Սյունիքի մարզպետի աշխատակազմ

Նրան ներկայացնելիս՝ մարզպետի աշխատակազմի պաշտոնյաներն ընդգծեցին, որ գյուղատնտեսության և շրջակա միջավայրի պահպանության ոլորտները մարզի համար կենսական նշանակություն ունեն, և բնագավառի զարգացումն ու առկա մարտահրավերների հաղթահարումը պահանջում են նվիրված աշխատանք, ուստի կարևոր է համակարգում բարձր որակավորում ունեցող և հմուտ մասնագետների ներգրավվածությունը։

Նրանք շնորհավորեցին Արա Նահապետյանին՝ պաշտոնը ստանձնելու կապակցությամբ՝ մաղթելով արգասաբեր աշխատանք և ձեռքբերումներ։

Պարոն Նահապետյանը, շնորհակալություն հայտնելով վստահության համար, ներկաներին համառոտ ներկայացրեց իր անցած մասնագիտական ուղին, կրթությունը և աշխատանքային կենսագրությունը։ Նա հույս հայտնեց, որ համատեղ թիմային և փոխհամաձայնեցված աշխատանքի շնորհիվ կհաջողվի առավելագույն արդյունավետությամբ լուծել ոլորտի առջև ծառացած խնդիրները, կյանքի կոչել նոր նախաձեռնություններ՝ ի նպաստ մարզում գյուղատնտեսության զարգացման և շրջակա միջավայրի կայուն պահպանության։