Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
️Սյունիքի մարզպետի աշխատակազմում հյուրընկալվել է ՄԱԿ-ի աշխատանքային խումբը. քննարկվել են գենդերային հավասարությանն առնչվող հարցեր
21.03.2026
Մարտի 20-ին մոնիտորինգային այցով Սյունիքի մարզում էր ՄԱԿ-ի՝ կանանց և աղջիկների նկատմամբ խտրականության դեմ պայքարի հարցերով աշխատանքային խումբը (UN Working Group on Discrimination against Women and Girls):
Այցի շրջանակներում ՀՀ Սյունիքի մարզպետի աշխատակազմում տեղի է ունեցել աշխատանքային հանդիպում, որին մասնակցել են մարզպետին կից գենդերային հարցերով մշտական հանձնաժողովի անդամները և տեղական ինքնակառավարման մարմինների (ՏԻՄ) ներկայացուցիչները։
Հանդիպումը մեկնարկել է Սյունիքի մարզպետի խորհրդական Նվարդ Հարությունյանի ողջույնի խոսքով. նա կարևորել է նմանատիպ քննարկումների դերը մարզի զարգացման գործընթացում։
Աշխատանքային քննարկման ընթացքում անդրադարձ է կատարվել մի շարք առանցքային թեմաների։ Մասնավորապես, քննարկվել են մարզպետին կից գենդերային հարցերով մշտական հանձնաժողովի կողմից իրականացվող աշխատանքներն ու ծրագրերը, ինչպես նաև տեղական ինքնակառավարման մարմիններում և որոշումների կայացման մակարդակում կանանց ակտիվ ներգրավվածությանն առնչվող հարցեր։
