Սյունիքի մարզպետի աշխատակազմ

Եվրոպայի խորհուրդը (ԵԽ) հրավիրում է երիտասարդներին՝ որպես երիտասարդ պատվիրակ մասնակցելու ԵԽ Տեղական և տարածքային իշխանությունների կոնգրեսի մարտի 17-19-ը Ստրասբուրգում կայանալիք 38-րդ նստաշրջանին և հոկտեմբերի 27-29-ը Ստրասբուրգում կայանալիք 39-րդ նստաշրջանին: Նստաշրջանները կանցկացվեն «Քաղաքականության երիատասարդացում» խորագրով:

Կոնգրեսը կընտրի յուրաքանչյուր անդամ երկրից մեկ երիտասարդ պատվիրակի:

Սա բացառիկ հնարավորություն է երիտասարդ մասնագետների համար մասնակցելուև Կոնգրեսի նստաշրջանին և կուտակելու միջազգային փորձ ու գիտելիքներ:

Սա լրջագույն հնարավորություն է զարգացնել նաև սեփական նախագծերն ու թարմ գաղափարներով վերադառնալ հայրենիք:

2014 թվականի հոկտեմբերից ի վեր Կոնգրեսը հրավիրում է երիտասարդ ակտիվիստների, երիտասարդ աշխատողների, ուսանողների մասնակցելու Կոնգրեսի նիստերին, իրենց ելույթներով հանդես գալու տարբեր բանավեճերում և Կոնգրեսի անդամների հետ կարծիքներ փոխանակել օրակարգում ընդգրկված հարցերի շուրջ:

Կոնգրեսի կողմից ընտրված երիտասարդ պատվիրակները 2020-ին կմասնակցեն Կոնգրեսի նիստերին, տարբեր քննարկումների, մարտից հոկտեմբեր ժամանակահատվածում նրանք մշտապես կապի մեջ կլինեն Կոնգրեսի հետ և ներգրավված կլինեն Կոնգրեսի աշխատանքներում: Նրանցից պահանջվում է պատրաստել մի տեղական նախագիծ, որը հիմնված կլինի Կոնգրեսի 2020 թվականի առաջնահերթությունների վրա և կլինի Կոնգրեսում 2020-ին քննարկվելիք թեմաների շրջանակում: Այս ընթացքում երիտասարդ պատվիրակների հետ կաշխատեն հատուկ դասընթացավարներ, որոնք կօգնեն երիտասասարդներին մշակել իրենց նախագծերը:

Հայտերի ներկայացման վերջնաժամկետը 2020 թվականի հունվարի 3-ն է: Հայտատու երիսատարդները պետք է հայտի հետ միասին ներկայացնեն նաև 30 վայրկյանանոց ուղեկցող տեսանյութ, որը պետք է ներբեռնել Youtube-ում և տեսանյութի հասցեն ուղարկել հայտի հետ միասին: Տեսանյութում հայտատու երիտասարդները ոչ թե պետք է ներկայացնեն իրենց, այլ պատասխանեն հայտում ներառված հարցին:

Երիտասարդ պատվիրակները կընտրվեն մինչև հունվարի 31-ը հատուկ հանձնաժողովի կողմից, որի անդամներն են Կոնգրեսի՝ երիտասարդության հարցերով խոսնակները, ԵԽ երիտասարդության հարցերով խորհրդատվական մարմնի 2 անդամները և դասընթացավարներ:

Հայտի լրացման և այլ մանրամասների համար այցելեք այստեղ:

http://a.cs.coe.int/team81/congress_form/Inscriptions/Call_for_applications_2020.aspx?fbclid=IwAR3CIZetsEkRv7OHNFKJGJIla9P_QeiApJpHeTumM9TQLK7bxQRGmVcWlmI

https://www.caa.am/news/call-for-applicatyion-for-youth-delegates.html