Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Համայնքներ

Համայնքի մասին

Մեղրի

 Մեղրի բազմաբնակավայր համայնքը կազմավորվել է 2016 թվականի սեպտեմբերին՝ ՀՀ Սյունիքի մարզի Մեղրու տարածաշրջանի բոլոր 13 համայնքների խոշորացման արդյունքում՝ ""Հայաստանի Հանրապետության վարչատարածքային բաժանման մասին" Հայաստանի Հանրապետության օրենքում փոփոխություններ և լրացումներ կատարելու մասին" 2016 թվականի հունիսի 17-ի ՀՀ ՀՕ-100-Ն օրենքով։
Այն ընգդրկում է Մեղրի և Ագարակ քաղաքային, ինչպես նաև, Ալվանք, Այգեձոր, Գուդեմնիս, Թխկուտ, Լեհվազ, Լիճք, Կարճևան, Կուրիս, Նռնաձոր, Շվանիձոր, Վահրավար, Վարդանիձոր և Տաշտուն գյուղական բնակավայրերը։
Հաշվառված բնակչությունը 2016 թվականի հուլիսի 1-ի դրությամբ՝ 11657։
Որից՝ ըստ բնակավայրերի․ Մեղրի՝ 4601, Ագարակ՝ 4729, Կարճևան՝ 270, Շվանիձոր՝ 339, Վահրավար՝ 35, Գուդեմնիս՝ 36, Լիճք՝ 147, Տաշտուն՝ 116, Լեհվազ՝ 627, Ալվանք՝ 289, Վարդանիձոր՝ 152, Նռնաձոր՝ 151, Թխկուտ՝ 67, Կուրիս՝ 53, Այգեձոր՝ 2։

Մեղրի

Հեռավորությունը Երևան քաղաքից` 376 կմ
Հեռավորությունը մարզկենտրոնից` 84 կմ
Բարձրությունը ծովի մակերևույթից` 610 մ
Մեղրին գտնվում է Հայաստանի Հանրապետության Հարավ-արևելյան տարածքում։ Այն Սյունիքի մարզի հարավային սահմանապահ քաղաքներից է, որը տարածված է Մեղրի գետի աջ և ձախ ափերին, որոնք կոչվում են Մեծ և Փոքր թաղեր։ Քաղաքը պետական սահմանով և մայր Արաքս գետով բաժանվում է Իրանի Իսլամական Հանրապետությունից։ Քաղաքի կլիման չոր և մերձարևադարձային է։ Այստեղից է սկսվում Հայաստանի գարունը, իսկ աշունը ամենաուշն է հրաժեշտ տալիս։ Ամառը այստեղ շոգ է, իսկ ձմեռը` ոչ ձյունառատ։
Համառոտ պատմական ակնարկ
Մեղրին` Գողթան աշխարհի նախկին «Արևիք» գավառը, հիշատակվում է դեռևս նախնադարից։ Պատմական քառաղիներում Մեղրին ժամանակ առ ժամանակ հայտնվել է թուրք –սելջուկների, մոնղոլ թաթարների ասպատակությունների տակ, բայց միշտ մնացել է անսասան։
1828թ. Մեղրին ընդգրկված է եղել Ղարաբաղի պրովինցիայի մեջ, իսկ 1868 թ-ին կազմել է Ելիզավետապոլի նահանգի Զանգեզուր գավառի մի մասը։ Խորհրդային կարգեր հաստատվելուց հեետո, 1930 թվականի սեպտեմբերի 9-ին կազմավորվել է Մեղրու շրջանը` Մեղրի կենտրոնով։
Մեղրիի մշակութային կյանքի, կենցաղավարության վրա մեծ ազդեցություն է թողել Ագուլիսի սոցիալ-մշակութային կյանքը։
1901թ. Հայաստանում 1-ինը այստեղ բացվել է սպառողական կոոպերացիա։
1881թ. արտասահմանում ուսանած մի խումբ մեղրեցի երիտասարդների նախաձեռնությամբ, համագյուղացիների համագործակցությամբ Մեղրի գյուղում բացվել է երկսեռ ծխական դպրոց։ Ներկայումս քաղաքում գործում է 2 միջնակարգ դպրոց։
2001 թվականին քաղաքում բացվել է միջնակարգ մասնագիտական 1-ին հաստատությունը` Մեղրու պետական քոլեջը, որտեղ որակավորում են ստանում ապագա դասվարներ, հաշվապահները և ավտովարորդները։ Համայնքային ենթակայությամբ գործում են 1 մանկապարտեզ, 1 մարզադպրոց, 1 արվեստի մանկական դպրոց և գրադարանային համակարգ։ Ի դեպ, Մեղրու գրադարանը 2012 թվականին բոլորել է իր գոյության 130 ամյակը։ Համայնքն ունի մշակույթի կենտրոն, որտեղ գործում են ինքնագործ խմբեր։ 1985 թվականին Մեղրիում գործում է նաև Երևանի գեղագիտական դաստիարակության Մեղրիի մասնաճյուղը, որի շենքում տեղակայված է նաև թանգարան։
Քաղաքի Ադելյան փողոցում, մշակույթի պալատի հարևանությամբ է գտնվում մարզադաշտը և 2 լողավազան։
Բնակչության առողջության պահպանությամբ զբաղվում է "Մեղրու տարածաշրջանային բժշկական կենտրոն" ՓԲԸ – ն։
Երբեմնի գյուղ, հետո ավան Մեղրի բնակավայրը 1984 թվականից է ստացել քաղաքի կարգավիճակ։
Տնտեսություն
Մեղրեցին եղել է տոհմիկ պտղագործ ու այգեգործ։ Այստեղ աճում են անուշաբույր և քաղցրահամ մրգեր։ Վերջին տարիներին թուզ, նուռ, սերկևիլ, խաղող, դեղձ մրգատեսակներին ավելացել են մերձարևադարձային կուլտուրաներ` արքայանարինջ, կիվի, զեյթուն և այլն։
Ներկայումս քաղաքում գործում են պահածոների և գինու գործարաններ։
Շինարարական կազմակերպություններից աշխատում է միայն «Մեղրու ճանշին ձեռնարկություն» ՍՊԸ-ն ։
Հնամենի ամֆիթատրոնի տեսք ունեցող քաղաքին առանձին հմայք են տալիս լեռնագագաթներին բազմած 11-րդ դարի կառույց` Մեղրու 6 բերդերը /բուրջեր/, դարավոր չինարիների պուրակը և 17-րդ դարի կառույցներ Ս. Մարիամ Աստվածածին, Ս. Հովհաննես, Սարգիս եկեղեցիները և Անապաստանաց վանքը։
Եկեղեցու որմնանկարները պատկանում են Նաղաշ Հովնաթան դպրոցին։ Մեղրին մայրաքաղաք Երևանի և Հայաստանի մարզերի հետ հաղորդակցվում է միայն ավտոտրանսպորտով։ Քաղաքի տարածքով է անցնում Իրան-Հայաստան միջպետական ավտոմայրուղին։
2008 թվականի դեկտեմբերից Մեղրին բարեկամական, տնտեսական, մշակութային կապերով համագործակցում է Բելոռուսի հանրապետության Մյադել քաղաքի հետ։

Հողային և այլ բնական ռեսուրսներ
Հողեր (ընդամենը)` 3201հա, այդ թվում`
- Գյուղատնտեսական նշանակության հողեր` 1856 հա, որից`
- վարելահող` 77 հա, բազմամյա տնկարկ` 78 հա, խոտհարք` 2 հա, այլ հողատեսք`1699 հա
- բնակավայրերի հողեր` 223 հա,
- արդյունաբերության, ընդերքօգտագործման և այլ արտադրական նշանակության հողեր` 105 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`18 հա
- հատուկ պահպանվող տարածքների հողեր` 906 հա,
- հատուկ նշանակության հողեր` 76 հա,
- ջրային հողեր` 18 հա

Ագարակ քաղաք

Հեռավորությունը մարզկենտրոնից` 94 կմ,
Հեռավորությունը Երևան քաղաքից` 410 կմ,
Բարձրությունը ծովի մակերևույթից` 660 մ,

Համառոտ նկարագիր

Ագարակ քաղաքը հիմնադրվել է Արաքս գետի ձախ ափին 1949թ.-ին` որպես համանուն պղնձամոլիբդենային կոմբինատին կից բանավան։ Կառուցապատումը շարունակվել է մինչև 1992թ.։ Սկզբում կառուցվել են 1-2 հարկանի բնակելի առանձնատներ, հետագայում` 3-4, իսկ 1979թ.-ից 5 հարկանի բնակելի շենքեր։ 1996թ.-ին բանավանը վերանվանվել է Ագարակ քաղաք։
Ագարակ քաղաքն ունի կենսական, մշակութային և սպորտային, կրթական ու ընդհանուր զարգացվածությունը ապահովող բոլոր կառույցները` հիվանդանոց, կոմունալ բարեկարգման տնտեսություն, մսուր-մանկապարտեզ, միջնակարգ դպրոց, արվեստի և գրադարանային ծառայության կենտրոն, մշակույթի պալատ։
«Ագարակի թիվ 1 մ/մանկապարտեզ» ՀՈԱԿ-ը երկու մասնաշենքից բաղկացած հիանալի մանկապարտեզ է, որի ժամանակակից պայմաններին համապատասխանող, վերանորոգված գեղեցիկ մթնոլորտում կրթվում և դաստիարակվում են 200 երեխա։
«Ագարակի միջնակարգ դպրոց» ՊՈԱԿ-ը երկու մասնաշենքից բաղկացած, վերանորոգված դպրոց է, որում ուսանում, միջնակարգ կրթություն են ստանում մոտ 200 աշակերտ։
«Ագարակի արտադպրոցական դաստիարակության և գրադարանային ծառայության կենտրոն» ԲՀ–ն, որում դաստիարակվում, պարի, նկարչության, երգի և երաժշտության, մշակութային դասեր են քաղում 147 երեխաներ, վերջին ժամանակներս նոր ուժով և եռանդով է իրականացնում իր աշխատանքային գործունեությունը։
Ագարակ քաղաքը գտնվում է Հայաստանի Հանրապետության հարավ- արևելյան մասում, սահմանակից է Իրանի Իսլամական Հանրապետությանը, ունի ռազմավարական նշանակություն և գտնվում է Հայաստանը Իրանի հետ կապող ավտոմայրուղուց 1 կմ հեռավորության վրա։
Ագարակն ապահովված է միջին մեծության մասնավոր հյուրանոցներով, որոնց դռները միշտ բաց են ցանկացած հյուրի առջև։
Ագարակ քաղաքն ունի խիստ կանոնավոր փողոցային ցանց։ Փողոցները 2 տիպի են` համայնքային և ներթաղամասային, համապատասխանաբար 10 մ և 6 մ լայնությամբ։
Քաղաքի ինժեներատրանսպորտային հաղորդակցության ապահովվածության միակ գործող ուղին ավտոմայրուղին է։
Ագարակը բնական ռեսուրսների մեծ պաշարներ ունի, որից ամենատարածվածը պղնձամոլիբդենային հումքն է։
Արտադրության գերիշխող ճյուղերն են լեռնահանքային արդյունաբերությունն ու գյուղատնտեսությունը։
Քաղաքի տնտեսական և աշխատանքային շուկան քաղաքի ստեղծման իսկ օրվանից պայմանավորված է եղել և այսօր էլ կա «Ագարակի ՊՄ կոմբինատ» ՓԲԸ-ի գործունեությամբ։ Ագարակ համայնքի հողային ֆոնդին անդրադառնալով` պետք է նշել, որ հողերի մեծ մասն իրենցից ներկայացնում են բնակելի, հասարակական, կոմունալ-պահեստային նշանակության կառուցապատված տարածքներ։
Ագարակը` որպես Հայաստանի Հանրապետության հարավային դարպաս և փոքրիկ սահմանամերձ քաղաք, մոտ ապագայում մեծ հեռանկարներ ունի տարածքային, ազգաբնակչության թվի, մշակութային, տնտեսական, տրանսպորտային և այլ ոլորտների զարգացման գործում։

Հողային և այլ բնական ռեսուրսներ

Հողեր (ընդամենը)` 326 հա, այդ թվում`
- Գյուղատնտեսական նշանակության հողեր` 34 հա, որից`
- վարելահող` 22 հա, այլ հողատեսք`12 հա
- բնակավայրերի հողեր` 236 հա,
- արդյունաբերության, ընդերքօգտագործման և այլ արտադրական նշանակության հողեր` 33 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`6 հա
- հատուկ պահպանվող տարածքների հողեր` 4հա,
- հատուկ նշանակության հողեր` 7 հա,
- ջրային հողեր` 7 հա

Ալվանք

Հեռավորությունը մարզկենտրոնից՝ 94 կմ,
Հեռավորությունը Մեղրի քաղաքից՝ 15.5 կմ,
Բարձրությունը ծովի մակերևույթից՝ 670 մ,
Կարգավիճակը՝ սահմանամերձ,
Նախկին անվանումներն են Ալիդարի, Ալիդիարա։
Գյուղից 10կմ հյուսիս գտնվում են Արկես և Մալեւ լքված գյուղատեղիները, որտեղ պահպանվել են հինգ կանգուն և մեկ ավերված եկեղեցիներ, որոնք 14-16-րդ դարերի կառույցներ են, հայկական գերեզմաններ:

Տնտեսությունը

Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ

Հողեր (ընդամենը)` 8599 հա, այդ թվում`
• Գյուղատնտեսական նշանակության հողեր` 4511 հա, որից`
- վարելահող` 88 հա, բազմամյա տնկարկ` 40 հա, խոտհարք` 31 հա, արոտ` 793 հա, այլ հողատեսք` 3559 հա
• բնակավայրերի հողեր` 50 հա,
• արդյունաբերության, ընդերքօգտագործման և այլ արտադրական նշանակության հողեր` 18 հա
• էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`10 հա
• հատուկ պահպանվող տարածքների հողեր` 3885 հա,
• հատուկ նշանակության հողեր` 33 հա,
• ջրային հողեր` 92 հա

Այգեձոր

Նախկինում ընդգրկված էր Վարդանիձոր համայնքի կազմում։

Գուդեմնիս

Հեռավորությունը մարզկենտրոնից՝ 82 կմ,
Հեռավորությունը Մեղրի քաղաքից՝ 16 կմ,
Բարձրությունը ծովի մակերևույթից՝ 1400 մ,
Կարգավիճակը՝ սահմանամերձ,
Նախկին անվանումներն են Գիդեմնաս, Գիտեմնաս, Գտանիս, Կադեմնիս, Ուճանապար, Ուջանաբաս, Ուջանապար։ Գյուղը երբեմն նույնացնում են Գեղանանի և Գուտենիի հետ, որը անընդունելի է, առաջինը այժմյան Քաջարանն է, իսկ Գուտենի գյուղը գտնվում է Վայոց ձորի գավառում։
Գյուղից 4 կմ արևելք կան հին բնակավայրերի ավերակներ։ Գյուղում կան անշուք, ուշ ժամանակում կառուցված եկեղեցի։ Գյուղի մոտ են գտնվում միջնադարյան հայտնի Կաքավաբերդ բերդի ավերակները։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 1407 հա, այդ թվում`
- Գյուղատնտեսական նշանակության հողեր` 578 հա, որից`
- վարելահող` 43 հա, բազմամյա տնկարկ` 9 հա, արոտ` 37 հա, այլ հողատեսք`489 հա
- բնակավայրերի հողեր` 17 հա,
- արդյունաբերության, ընդերքօգտագործման և այլ արտադրական նշանակության հողեր` 1 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր` 5 հա
- հատուկ պահպանվող տարածքների հողեր` 804 հա,
- ջրային հողեր` 2 հա

Թխկուտ

Նախկինում ընդգրկված էր Վարդանիձոր համայնքի կազմում։

Լեհվազ

Հեռավորությունը մարզկենտրոնից՝ 73 կմ,
Հեռավորությունը Մեղրի քաղաքից՝ 6 կմ,
Բարձրությունը ծովի մակերևույթից՝ 900 մ,
Կարգավիճակը՝ սահմանամերձ,
Նախկին անվանումներն են Լեգբա, Լեգվազ, Լեկվազ, Լեհվանա, Լեյվազ, Լեվազ, Լեվագոձոր, Լիհքվազ, Լեհվազ ներքին։ Մտնում էր Ելիզավետպոլի նայանգի Զանգեզուրի գավառի մեջ։ Ղևոնդ Ալիշանի մոտ նշված է Լեշկված տարբերակը։ Գյուղի մոտ գտնվում է մի հին ու լքված բնակավայր, որը ըստ երևույթին հին գյուղն է. որին տրվում է նաև Վերին Լեհվազ անունը։ Ս. Էփրիկյանը Վերին Լեհվազ է անվանում Լեճքվազ գյուղը։ Ղուկաս Ինճիճյանը ևս վերին Լեհվազը նույնացնում է Լիճքավազ գյուղին:
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 3385 հա, այդ թվում`
- Գյուղատնտեսական նշանակության հողեր` 1336 հա, որից`
- վարելահող` 77 հա, բազմամյա տնկարկ` 39 հա, խոտհարք` 12 հա, արոտ` 332 հա, այլ հողատեսք`876 հա
- բնակավայրերի հողեր` 57 հա,
- արդյունաբերության, ընդերքօգտագործման և այլ արտադրական նշանակության հողեր` 4 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր` 17 հա
- հատուկ պահպանվող տարածքների հողեր` 1934 հա,
- անտառային հողեր` 22 հա, որից անտառածածկ` 22 հա
- ջրային հողեր` 14 հա

Լիճք

Հեռավորությունը մարզկենտրոնից՝ 59 կմ,
Հեռավորությունը Մեղրի քաղաքից՝ 24 կմ,
Բարձրությունը ծովի մակերևույթից՝ 1780 մ,
Կարգավիճակը՝ սահմանամերձ, լեռնային,

Կոչվել է նաև Լեշկին, Լեճկին, Լիճ, Լիճք, Շեշկերտ։ Գյուղը մտնում էր Ելիզավետպոլի նահանգի Զանգեզուրի գավառի մեջ։ Գյուղից վեր կան մի քանի լճեր, որի համար էլ, ըստ տեղացիների, գյուղը անվանվել է Լիճք։ Գյուղը 1781թ. հարկացուցակով Տաթևի վանքին տարեկան վճարում էր 3350 դահեկան պտղի հարկ։
Գյուղի շրջակայքում կան պատմական հուշարձաններ՝ 17-րդ դարի կամուրջը Մեղրի գետի վրա, 17-րդ դարի Ջվարավանի կոչվող եկեղեցին։ Շրջակայքում կան գյուղատեղիներ՝ Զվար, Թաղամիր, Մուլք անուններով։ Ղևոնդ Ալիշանը Լիճքն ու Լեշկինը համարում է տարբեր բնակավայրեր։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:
Հողային և այլ բնական ռեսուրսներ
Հողեր (ընդամենը)` 8411 հա, այդ թվում`
• Գյուղատնտեսական նշանակության հողեր` 2404 հա, որից`
- վարելահող` 266 հա, խոտհարք` 19 հա, արոտ` 1004 հա, այլ հողատեսք`1116 հա
• բնակավայրերի հողեր` 74 հա,
• արդյունաբերության, ընդերքօգտագործման և այլ արտադրական նշանակության հողեր` 7 հա
• էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`26 հա
• հատուկ պահպանվող տարածքների հողեր` 5563 հա,
• հատուկ նշանակության հողեր` 1 հա,
• անտառային հողեր` 309 հա, որից անտառածածկ` 78 հա
• ջրային հողեր` 28 հա

Կարճևան

Հեռավորությունը մարզկենտրոնից՝ 95 կմ,
Հեռավորությունը Մեղրի քաղաքից՝ 17 կմ,
Բարձրությունը ծովի մակերևույթից՝ 920 մ,
Կարգավիճակը՝ սահմանամերձ,
Մտնում էր Մեծ Հայքի Սյունիք աշխարհի Արևիք գավառի մեջ։ Որպես հնագույն բնակավայր գոյություն է ունեցել 12-րդ դարում, դրա մասին են վկայում գյուղի շրջակայքում պահպանված բերդի ավերակները (12-րդ դար)։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 4180 հա, այդ թվում`
- Գյուղատնտեսական նշանակության հողեր` 2446 հա, որից`
- վարելահող` 60 հա, բազմամյա տնկարկ` 3 հա, արոտ` 90 հա, այլ հողատեսք`2293 հա
- բնակավայրերի հողեր` 39 հա,
- արդյունաբերության, ընդերքօգտագործման և այլ արտադրական նշանակության հողեր` 279 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`50 հա
- հատուկ պահպանվող տարածքների հողեր` 1249 հա,
- հատուկ նշանակության հողեր` 15 հա,
- անտառային հողեր` 54 հա, որից անտառածածկ` 54 հա
- ջրային հողեր` 46 հա

Կուրիս

Հեռավորությունը մարզկենտրոնից՝ 85 կմ,
Հեռավորությունը Մեղրի քաղաքից՝ 15 կմ,
Բարձրությունը ծովի մակերևույթից՝ 1365 մ,
Կարգավիճակը՝ սահմանամերձ,
Գտնվում է մեղրի գետի աջ կողմում,Զանգեզուրի լեռնաշղթայի լանջին: Տաթևի վանքի նոր հարկացուցակում կոչված էր Կռավաք կամ Կուրուս: Գյուղում պահպանվել է 15-17-րդ դդ թիթեղնապատ ծածկով եկեղեցի: Գյուղից շրջակայքում կան գյուղատեղիների ավերակներ: Արևելյան կողմում կան սառնորակ աղբյուրներ, այդ թվում` "Կուրիս" հանքային աղբյուրը:
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 2013 հա, այդ թվում`
- Գյուղատնտեսական նշանակության հողեր` 664 հա, որից`
- վարելահող` 39 հա, բազմամյա տնկարկ` 2 հա, արոտ` 28 հա, այլ հողատեսք` 596 հա
- բնակավայրերի հողեր` 20 հա,
- արդյունաբերության, ընդերքօգտագործման և այլ արտադրական նշանակության հողեր` 275 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր` 6 հա
- հատուկ պահպանվող տարածքների հողեր` 1023 հա,
- անտառային հողեր` 24 հա, որից անտառածածկ` 24 հա
- ջրային հողեր` 1 հա

Նռնաձոր

Հեռավորությունը մարզկենտրոնից՝ 108 կմ,
Հեռավորությունը Մեղրի քաղաքից՝ 30 կմ,
Բարձրությունը ծովի մակերևույթից՝ 650 մ,
Կարգավիճակը՝ սահմանամերձ,
Նռնաձորը (նախկինում`Նյուվադի) վարչական տարածքով Սյունիքի մարզի ամենախոշոր համայնքն էր։ Նշանավոր է նռան այգիներով, ուստի համայնքի նախկին ավագանու կողմից առաջարկություն է ներկայացվել այն «Նռնաձոր» վերանվանելու մասին։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 11773 հա, այդ թվում`
- Գյուղատնտեսական նշանակության հողեր` 4696 հա, որից`
- վարելահող` 18 հա, բազմամյա տնկարկ` 53 հա, արոտ` 818 հա, այլ հողատեսք`3807 հա
- բնակավայրերի հողեր` 32 հա,
- արդյունաբերության, ընդերքօգտագործման և այլ արտադրական նշանակության հողեր` 17 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր` 65 հա
- հատուկ պահպանվող տարածքների հողեր` 6637 հա,
- հատուկ նշանակության հողեր` 236 հա,
- ջրային հողեր` 90 հա

Շվանիձոր

Հեռավորությունը մարզկենտրոնից՝ 97 կմ,
Հեռավորությունը Մեղրի քաղաքից՝ 19 կմ,
Բարձրությունը ծովի մակերևույթից՝ 640 մ,
Կարգավիճակը՝ սահմանամերձ,
Գտնվում է Արաքսի գետի ձախ ափին և համարվում է Մեղրու տարածաշրջանի ամենաբարեկարգ գյուղերից մեկը։ Շվանիձորում կանգուն է 17-րդ դարում կառուցված ջրանցույցը։ Այն շարված է սրբատաշ բազալտե քարերից՝ կրաշաղախով, համարվում է միջնադարյան Հայաստանի այդ տիպի կառույցներից ամենակարևորը:
Շվանիձորի տարածքում են գտնվուն նաև «Գոմևրանց», «Վերին շեն», «Թեղուտ» (17-18 դդ), «Շվանիձոր» (16-20 դդ) գյուղատեղիները, խաչքարերով գերեզմանոցը (17-18 դդ) և հին կամուրջը (17-18 դդ)։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 5184 հա, այդ թվում`
- Գյուղատնտեսական նշանակության հողեր` 2447 հա, որից`
- վարելահող` 102 հա, բազմամյա տնկարկ` 24 հա, խոտհարք` 1 հա, արոտ` 509 հա, այլ հողատեսք`1812 հա
- բնակավայրերի հողեր` 65 հա,
- արդյունաբերության, ընդերքօգտագործման և այլ արտադրական նշանակության հողեր` 3 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր` 20 հա
- հատուկ պահպանվող տարածքների հողեր` 2614 հա,
- հատուկ նշանակության հողեր` 2 հա,
- անտառային հողեր` 14 հա, որից անտառածածկ` 14 հա
- ջրային հողեր` 19 հա

Վահրավար

Հեռավորությունը մարզկենտրոնից՝ 78 կմ,
Հեռավորությունը Մեղրի քաղաքից՝ 11.5 կմ,
Բարձրությունը ծովի մակերևույթից՝ 1380 մ,
Կարգավիճակը՝ սահմանամերձ,
Վահրավարը Հայաստանի հին բնակավայրերից է։ Այդ են վկայում գյուղում և շրջակայքում գտնվող միջնադարյան գյուղատեղիները (Կարմիր վանք, Ծավի դիք), եկեղեցիները, խաչքարերով գերեզմանոցները։ Հատկապես նշանավոր է Կարմրավանքի եկեղեցին (17-րդ դար), որը թաղածածկ ուղղանկյան դահլիճ է՝ թեք ծածկով։ Բեմի հատակի տակ թաքստոց է, որի օդափոխության անցքը դուրս է գալիս խորանի պատին կից և աննկատ է։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 3249 հա, այդ թվում`
- Գյուղատնտեսական նշանակության հողեր` 626 հա, որից`
- վարելահող` 26 հա, բազմամյա տնկարկ` 13 հա, արոտ` 169 հա, այլ հողատեսք`418 հա
- բնակավայրերի հողեր` 16 հա,
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`16 հա
- հատուկ պահպանվող տարածքների հողեր` 2590 հա,
- ջրային հողեր` 1 հա

Վարդանիձոր

Հեռավորությունը մարզկենտրոնից՝ 67 կմ,
Հեռավորությունը Մեղրի քաղաքից՝ 11 կմ,
Բարձրությունը ծովի մակերևույթից՝ 1050 մ,
Կարգավիճակը՝ սահմանամերձ։

Գտնվում է Մեղրի գետի ձախ ափին։ Գյուղից քիչ հեռու կա 17-րդ դարի կառույց համարվող կամուրջ։
Տնտեսությունը
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 9312 հա, այդ թվում`
- Գյուղատնտեսական նշանակության հողեր` 5176 հա, որից`
- վարելահող` 125 հա, բազմամյա տնկարկ` 4 հա, խոտհարք` 12 հա, արոտ`1468 հա, այլ հողատեսք`3567 հա
- բնակավայրերի հողեր` 54 հա,
- արդյունաբերության, ընդերքօգտագործման և այլ արտադրական նշանակության հողեր` 20 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր`16 հա
- հատուկ պահպանվող տարածքների հողեր` 4002 հա,
- անտառային հողեր` 36 հա, որից անտառածածկ` 1 հա
- ջրային հողեր` 7 հա

Տաշտուն

Հեռավորությունը մարզկենտրոնից՝ 60 կմ,
Հեռավորությունը Մեղրի քաղաքից՝ 26 կմ,
Բարձրությունը ծովի մակերևույթից՝ 1950 մ,
Կարգավիճակը՝ սահմանամերձ, բարձր լեռնային,

Ստ.Օրբելյանի վկայությամբ Տաշտունը հիշատակվում է Տաթևի վանքին պատկանող (10-րդ դար) գյուղերի ցուցակում։ ՈՒշ միջնադարում Տաշտունը եղել է գրչության կենտրոն։ Տաշտուն է անվանվել (Դաշտոն ձևով) նաև Սյունիք նահանգի Արևիք գավառի մի մասը։
Գյուղում պահպանվել է քառամույթ գմբեթավոր բազիլիկ Սբ.Ստեփանոս եկեղեցին (17-րդ դար)։ Շրջակայքում կան գյուղատեղիներ (Ռոմելանց, Քյիլդիզանց, 14-17դդ.), խաչքարերով գերեզմանոցներ:
Գյուղատնտեսական գործունեության հիմնական ուղղություններն են`
- անասնապահությունը,
- դաշտավարությունը:

Հողային և այլ բնական ռեսուրսներ
Հողեր (ընդամենը)` 5026 հա, այդ թվում`
- Գյուղատնտեսական նշանակության հողեր` 1373 հա, որից`
- վարելահող` 78 հա, բազմամյա տնկարկ` 4 հա, խոտհարք` 52 հա, արոտ` 502 հա, այլ հողատեսք`737 հա
- բնակավայրերի հողեր` 29 հա,
- արդյունաբերության, ընդերքօգտագործման և այլ արտադրական նշանակության հողեր` 1 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր` 27 հա
- հատուկ պահպանվող տարածքների հողեր` 3485 հա,
- անտառային հողեր` 97 հա, որից անտառածածկ` 3 հա
- ջրային հողեր` 12 հա։

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-03-28 12:47:55