Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սյունիքի մարզպետ Վահե Հակոբյանը Տաթևի վանական համալիրում հյուրընկալեց Ն.Ս.Օ.Տ.Տ. Գարեգին Բ կաթողիկոսին
02.06.2014
Մայիսի 31-ին Սյունիքի մարզպետ Վահե Հակոբյանը Տաթևի վանական համալիրում հյուրընկալեց Ն.Ս.Օ.Տ.Տ. Գարեգին Բ կաթողիկոսի և հայտնի ձեռներեց և բարերար, IDeA հիմնադրամի խորհրդի նախագահ Ռուբեն Վարդանյանի գլխավորած պատվիրակություններին: Հյուրերը շրջեցին ճոպանուղու Հալիձորի և Տաթևի կայանների հարակից տարածքներում, այնուհետև այցելեցին վանական համալիր, Ձիթհան, Ս. Պողոս Պետրոս եկեղեցի, ունկնդրեցին վանական երգչախմբի ելույթը: Հանդիպման նպատակն էր Սյունիքի մարզպետի հետ քննարկել <<Տաթևի վերածնունդ>> ծրագրի շրջանակներում իրականացվելիք Տաթևի վանքի հարակից տարածքների զարգացման նախագիծը: Այն ներկայացրեց Տաթևի վանքի վերանորոգման աշխատանքների գլխավոր պատասխանատու, ճարտարագետ Արտյոմ Գրիգորյանը: Համատեղ քննարկեցին նաև վանական համալիրի պահպանության կազմակերպման և կառուցապատման գոտիների հայեցակարգը, Ս. Պողոս Պետրոս եկեղեցու որմնանկարների թվայնացումը,համալիրի ստորգետնյա ջրապաշտպան պատի կառուցումը, Ս. Աստվածածին եկեղեցու վերանորոգման էսքիզային նախագիծը, ինչպես նաև համալիրում նախատեսվող միաբանության շենքի տեղակայման որոշումը: Վերադառնալով ճոպանուղու Հալիձորի կայան` Ռուբեն Վարդանյանը ներկայացրեց կայանի հարակից տարածքի համար մշակված զարգացման ծրագիրը, որից հետո պատվիրակությունները մեկնեցին Երևան:
