Տեղեկատվական կենտրոն
Նորություններ
Քննարկվել են մարզի կանաչ տարածքների ընդլայնման և շրջակա միջավայրի պահպանման հետ կապված հարցեր
07.11.2017
Վահե Հակոբյանն ընդունել է ՀՀ բնապահպանության նախարարության բնապահպանության և ընդերքի տեսչական մարմնի ղեկավար Եղիշ Տերտերյանի գլխավորած պատվիրակությանը: Մարզի ղեկավարը նորաստեղծ կառույցի ղեկավարների հետ քննարկել է մարզի բնապահպանական խնդիրների, կանաչ տարածքների ընդլայնման ու շրջակա միջավայրի պահպանման հետ կապված հարցեր: Վահե Հակոբյանը նշեց, որ դեռևս մարտ ամսից մարզպետարանի նախաձեռնությամբ իրականցվել են մարզի կանաչ տարածքների ընդլայնման և դրանց պահապանման մի շարք նախաձեռնություններ, և վստահեցրել, որ դրանք շարունակական բնույթ են ունենալու: Մարզի ղեկավարը նաև ընդգծեց, որ շրջակա միջավայրի պահպանությունը պետք է առաջնային լինի թե մարզային իշխանությունների և թե խոշոր արդյունաբերական կազմակերպությունների համար: Վահե Հակոբյանն առաջարկեց գործընկերային հարաբերություններ ստեղծել ոլորտի մասնագետների ու տնտեսվարող սուբյեկտների հետ: Եղիշ Տերտերյանը նշեց, որ Սյունիքը, լինելով արդյունաբերական խոշոր կենտրոն, տեղական ինքնակառավարման մարմինների և տնտեսվարող սուբյեկտների հետ հանդիպումներն ու տեսչական ստուգումները պարբերաբար բնույթ կունենան: Վահե Հակոբյանը վստահեցրեց, որ մարզպետարանը պատրաստակամ է աջակցելու շրջակա միջավայրի պահպանության ցանկացած նախաձեռնությանը:
Հանդիպման ընթացքում քննարկվեցին օրակարգային այլ հարցեր ևս: