Տեղեկատվական կենտրոն
Նորություններ
Վահե Հակոբյանն աշխատանքային այցով Գորիսի տարածաշրջանում էր
01.02.2018
Մարզպետ Վահե Հակոբյանն աշխատանքային այց է կատարել Գորիսի տարածաշրջան: Գորիսում մարզի ղեկավարը մասնակցել է բարեգործական առաջին կանգառի բացման արարողությանը: Կանգառի կարմիր ժապավենը կտրեցին Վահե Հակոբյանն ու Գորիսի hամայնքապետ Առուշ Առուշանյանը: Գորիսի համայնքապետ Առուշ Առուշանյանի նախաձեռնությամբ վերականգնվում են Գորիսի հին կանգառները, Հայրենական մեծ պատերազմի և Արցախյան ազատամարտի զոհերի հիշատակը հավերժացնող հուշահամալիրի տարածքն ու քաղաքի մուտքն ազդարարող Հին զանգերը: Մարզպետ Վահե Հակոբյանն Առուշ Առուշանյանի ուղեկցությամբ այցելել է շինհրապարակներ, ծանոթացել իրականացվող աշխատանքների ընթացքին:
Վահե Հակոբյանը շնորհավորել է գորիսեցիներին և ընդգծել, որ նմանատիպ նախաձեռնությունները քաղաքը բարեկարգ դարձնելուց բացի, նպաստելու են նաև զբոսաշրջության զարգացմանը:
Գորիս կատարած աշխատանքային այցի ընթացքում մարզի ղեկավարը նաև հանդիպել է բնակիչների հետ, ծանոթացել նրանց խնդիրներին: