Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ԳՅՈՒՂԱԿԱՆ ՄԱՐԶԱԿԱՆ ԽԱՂԵՐՈՒՄ ՍՅՈՒՆԻՔԻ ԹԻՄԸ 3-ՐԴՆ ԷՐ

12.09.2018

Սյունիքի մարզի թիմը 3-րդ տեղն է գրավել «Հայաստանի Հանրապետության գյուղական մարզական խաղեր» մրցույթի 2018 թվականի եզրափակիչ փուլում, որն անց է կացվել սեպտեմբերի 4-7-ը Վանաձորում: Մրցույթն արդեն 2-րդ անգամ կազմակերպում է ՀՀ սպորտի եւ երիտասարդության հարցերի նախարարությունը: Եզրափակիչ փուլին մասնակցել են մարզային փուլերում հաղթած 100 մասնակիցներ (10 թիմ՝ 10 անդամով): Մրցումների ծրագրում ընդգրկված էր հինգ մրցաձեւ:

Սյունիքի մարզից աղջիկների պայքարում Վիկտորյա Հայրապետյանը հաղթող է դարձել «հեռացատկ տեղից» մրցաձեւում, «հենում պառկած դրությունից» վարժություններում հաղթել է Լուսիկ Թաթարյանը: 
Թիմային հաշվարկով «Հայաստանի Հանրապետության գյուղական մարզական խաղեր» 2018 թվականի մրցույթում հաղթել է Շիրակի մարզի թիմը, Լոռու մարզի թիմը զբաղեցրել է 2-րդ, իսկ Սյունիքի մարզի թիմը՝ 3-րդ տեղը: 
Մրցույթի նպատակն է Հայաստանի գյուղերում զարգացնել սպորտային կյանքն ու խթանել առողջ ապրելակերպը, ակտիվ հանգիստը: Մասնակիցները պետք է չլինեն պրոֆեսիոնալ մարզիկներ: 
Մրցանակային տեղ գրաված մեր թիմը Սյունիք է բերել գավաթ, թիմի անդամներին հանձնվել են նաեւ հավաստագրեր, մեդալներ, մարզագույք:

 

 

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-09-25 16:29:33