Սյունիքի մարզպետի աշխատակազմ

 Հունիսի 6-ին Սյունիքի մարզպետի հյուրն էր Դանիել Երաժիշտը:

Հանդիպմանը ներկա էր նաեւ Կապան համայնքի ղեկավար Գեւորգ Փարսյանը:

Հունան Պողոսյանը Սյունիքի մարզպետի շնորհակալագիր հանձնեց ՀՀ արվեստի  վաստակավոր  գործչին` Սյունիքի մարզի մշակութային կյանքում ներդրած ավանդի եւ հայ երգարվեստն ըստ արժանվույն ներկայացնելու համար:

Հյուրը նաեւ հուշանվերներ ստացավ Սյունիքի մարզպետից ու Կապանի համայնքապետից:

Այնուհետեւ ներկաների միջեւ  մտերմիկ զրույց ծավալվեց հայ մշակույթի, դրա դերի ու ներկա վիճակի մասին:

Դանիել Երաժիշտը նաեւ պատմեց օրվա ընթացքում հայրենի Շիկահող գյուղ իր այցի մասին` նշելով, որ նախնիների գերեզմաններ, ավերված տուն, եկեղեցի եւ գյուղի այլ կարեւոր վայրեր այցերի ընթացքում իր մեջ խմորվող զգացողություններից արդեն մեղեդիներ են ծնվում...