Սյունիքի մարզպետի աշխատակազմ

————————————————————————

Կառավարություն-համայնք համաներդրմամբ սուբվենցիոն ծրագրով հիմնանորոգում է իրականացվել Գորիսի Ավանգարդ 5-րդ (Ծտի բներ) թաղամասում։

Ծրագրի արժեքը 199 մլն դրամ է, որից 109 մլն դրամը (55%) ՀՀ կառավարության մասնաբաժինն է։ Այստեղ իրականացվել են 2.2 կմ ներթաղամասային ճանապարհի ասֆալտապատման, 700 գծմ հենապատի կառուցման աշխատանքներ, լուծվել է փողոցային լուսավորության հարցը։ Թաղամասում ՄԱԶԾ ծրագրի շրջանակում նաև նոր մարզահրապարակ է կառուցվել:

————————————————————————

Գորիսի համայնքապետարանի և «Հայաստանի տարածքային զարգացման հիմնադրամի» համագործակցությամբ՝ ՀՀ կառավարության և Համաշխարհային բանկի ֆինանսավորմամբ «Տեղական տնտեսության և ենթակառուցվածքների զարգացման ծրագրի» շրջանակում վերակառուցվել են Գորիսի Գետափնյա թաղամասի, Վարարակն գետի հարակից մայթերը, փոխվել է արտաքին լուսավորության համակարգը, կառուցվել հեծանվային արահետ։

Նույն ծրագրով արդեն վերականգնվել է Գորիսի պատմական միջուկի արտաքին տեսքը: Ծրագիրն իրականացվում է 1.4 միլիարդ դրամի շրջանակում:

————————————————————————————

Սուբվենցիոն ծրագրով հիմնանորոգվել է Գորիս համայնքի թիվ 3 մանկապարտեզի շենքը։ Ծրագրի ընդհանուր արժեքը 223 մլն դրամ է, որից 178 մլն դրամը (80%) ՀՀ կառավարության ներդրումն է։

ՆՈՒՀ-ը կառուցվել էր 1966 թվականին և գտնվում էր անմխիթար վիճակում: Այժմ 180 երեխայի համար ստեղծվել են հարմարավետ պայմաններ, և համայնքի ամենամեծ մանկապարտեզներից մեկը նոր ուսումնական տարին կդիմավորի համարավետ ու գեղեցիկ միջավայրում:

Մանկապարտեզի կահավորման աշխատանքներն իրականացվել է «Ֆոքըս օն չիլդրեն նաու» բարեգործական կազմակերպության միջոցով: Խոհանոցը կահավորել է «Գորիսի մամուլի ակումբ» ՀԿ-ի աջակցությամբ: