Սյունիքի մարզպետի աշխատակազմ

 Սյունիքի մարզպետի աշխատակազմի նիստերի դահլիճում այսօրվանից անցկացվում է եռօրյա դասընթաց, որն իրականացնում է «Քաղաքականության հետազոտական կենտրոն» ՀԿ-ն՝ ՀՀ-ում Լիտվայի դեսպանատան աջակցությամբ։

«Հասարակական դիմակայունության զարգացում․ ներառական կառավարում և ռազմավարական հաղորդակցություն» թեմայով դասընթացին մասնակցում են մարզպետի աշխատակազմի ու մարզի այլ պետական կառույցների քաղծառայողներ, համայնքապետարանների աշխատակիցներ։

Դասընթացի ընթացքում հանդես է գալիս նաև Հայաստանում ԵՄ դիտորդական առաքելության ղեկավարի տեղակալ Մարեկ Կուբերսկին։