Սյունիքի մարզպետի աշխատակազմ

 Հայոց ցեղասպանության 111-րդ տարելիցի կապակցությամբ Ռոբերտ Ղուկասյանն այսօր Սիսիան համայնքում մասնակցել է նահատակների հիշատակին նվիրված միջոցառումներին։

Մարզպետը Սիսիան համայնքի ղեկավար Հովսեփ Առաքելյանի, մարզպետի աշխատակազմի պաշտոնյաների և համայնքի բնակիչների հետ միացել է «Հիշողությանս անլռելի զարկերը» խորագրով քայլերթին։ Համախմբման ու հիշատակի այս երթը մեկնարկել է Սիսակ Նահապետի անվան կենտրոնական հրապարակից և շարունակվել մինչև Մեծ եղեռնի զոհերի հիշատակը հավերժացնող հուշարձան։

Քայլերթի մասնակիցները ծաղկադրում են կատարել հուշարձանին՝ լռությամբ ու խնկարկումով հարգանքի տուրք մատուցելով Հայոց ցեղասպանության 1,5 միլիոն զոհերի հիշատակին։