Սյունիքի մարզպետի աշխատակազմ

 Այսօր կայացել է «Հայաստանի Հանրապետության վարչապետի գավաթ» դպրոցականների թիմային խճուղավազքի մրցաշարի Սյունիքի մարզային փուլը։

Այն մեկնարկել է Կապանի թիվ 10 միջնակարգ դպրոցի հարակից տարածքից, վերջնագիծն էլ Գարեգին Նժդեհի հուշահամալիրն էր։

Մրցաշարը մարզի 45 դպրոցների թիմեր էր համախմբել։ Յոթ աշակերտից բաղկացած թիմերը խճուղավազքին ցուցաբերել են բարձր արդյունքներ և  համախմբվածություն։ Մասնակիցները հաղթահարել են մրցուղին՝ հասնելով ավարտական գծին և արձանագրելով իրենց լավագույն արդյունքները։

1-ին տեղում է Կապանի Հ․ Ավետիսյանի անվ․ թիվ 9 ավագ դպրոցի թիմը,

2-րդ տեղը զբաղեցրել է Լեռնաձորի հիմնական դպրոցի,

3-րդ տեղը՝ Ախլաթյանի միջնակարգ դպրոցի թիմը։

Հաղթած թիմերը ստացել են ՀՀ ԿԳՄՍ նախարարության համապատասխան կարգի հավաստագրեր։

Մրցաշարում 1-ին տեղ զբաղեցրած թիմը կմասնակցի եզրափակիչ փուլին։ Այն կանցկացվի մայիսի 29-ին Տավուշի մարզում՝ «Պարզ լճի» տարածքում՝  անտառային արահետներով 5 կմ հատվածում։