Սյունիքի մարզպետի աշխատակազմ

Սա ՀՀ-ում ՅՈՒՆԻՍԵՖ-ի նորանշանակ ներկայացուցչի առաջին աշխատանքային այցն է Սյունիքի մարզ, որի շրջանակներում կողմերը քննարկել են երեխաների իրավունքների պաշտպանության, առողջ ապրելակերպի խրախուսման և համայնքային զարգացման ծրագրերին առնչվող հարցերի լայն շրջանակ։

Հանդիպման ընթացքում բարձր է գնահատվել մարզպետի աշխատակազմի և ՅՈՒՆԻՍԵՖ-ի միջև առկա արդյունավետ փոխգործակցությունը, հատկապես ճգնաժամային ժամանակահատվածներում արագ արձագանքման և համատեղ իրականացված ծրագրերի շրջանակներում։

Մարզպետն իր երախտագիտությունն է հայտնել կազմակերպությանը՝ մարզի երեխաներին ցուցաբերվող օժանդակության համար՝ ընդգծելով, որ պատրաստ է աջակցել ՅՈՒՆԻՍԵՖ-ի բոլոր հումանիտար ու զարգացման նախաձեռնություններին։

Կողմերը պայմանավորվել են մարզում իրականացնել առողջ սննդակարգի և ֆիզիկական ակտիվության տարածմանն ուղղված արշավներ՝ պայքարելով երեխաների շրջանում անառողջ սննդի օգտագործման և սակավաշարժության դեմ։

Հանդիպման ավարտին կողմերը վերահաստատել են իրենց պատրաստակամությունը շարունակելու սերտ համագործակցությունը՝ հանուն Սյունիքի մարզի յուրաքանչյուր երեխայի իրավունքների պաշտպանության։