Սյունիքի մարզպետի աշխատակազմ

Սյունիքում լողի մրցաշարին մասնակցել են հայտագրված 19 դպրոցների 80 սովորողներ։ Այն անցկացվել է երկու տարիքային խմբով՝ 8-12 և 13-17 տարեկաններ։

Մրցուղիներում ընթացել է լարված ու համառ պայքար, որտեղ լողորդները ցուցադրել են մարզական բարձր պատրաստվածություն, կամքի ուժ և հաղթելու ձգտում։

Լավագույն արդյունքներ ցուցաբերած մասնակիցներից երկու տարիքային խմբով կազմված թիմերը (4 աղջիկ, 4 տղա) կներկայացնեն Սյունիքը մրցաշարի հանրապետական փուլում, որը կկայանա Ծաղկաձորում նոյեմբերի 20-21-ը:

Մրցաշարի նպատակն է մասսայականացնել լող մարզաձևը ՀՀ-ում, դպրոցահասակների մեջ արմատավորել ֆիզիկական վարժություններով մշտապես զբաղվելու և առողջ ապրելակերպի գաղափարը, բացահայտել տաղանդավոր, հեռանկար ունեցող պատանիների՝ հետագայում Հայաստանի առաջնություններում ընդգրկելու նպատակով:

Հաղթողներին ՀՀ ԿԳՄՍՆ հավաստագրեր է հանձնել Սյունիքի մարզպետի աշխատակազմի կրթության, մշակույթի և սպորտի վարչության պետ Մերի Գանդալյանը։

Մարզային փուլին ներկա էին «Լողի հայկական դաշնություն» մարզական հասարակական կազմակերպության ներկայացուցիչները։