Սյունիքի մարզպետի աշխատակազմ

Մրցույթին մասնակցել են համայնքային փուլում հաղթող ճանաչված դպրոցական թիմերը։ Ինը մարզիկից կազմված թիմերն իրենց ուժերն են չափել վեց վարժաձևերում․

նռնակի նետում հեռավորության վրա («Ֆ-1» ուսումնական),
8 կգ-անոց ուսապարկով փոխանցավազք (4 x 50 մ),

ձգումներ պտտաձողից,

վազք (1000մ),

հրաձգություն, (ինքնաձիգով կամ օդամղիչ հրացանով),

ինքնաձիգի ոչ լրիվ քանդում-հավաքում։

Լարված և համառ մրցապայքարի արդյունքում թիմային հաշվարկում պատվավոր հորիզոնականները բաշխվել են հետևյալ կերպ.

1-ին տեղ՝ Կապանի թիվ 3 միջն. դպրոց, 1310 միավոր,

2-րդ տեղ՝ Ակների (Գորիս) Գ. Խաչատրյանի անվան միջն. դպրոց, 1122 միավոր,

3-րդ տեղ՝ Սիսիանի ավագ դպրոց, 979 միավոր։

Մրցանակակիրներին և հաղթողներին Սյունիքի մարզպետի աշխատակազմի կրթության, մշակույթի և սպորտի վարչության պետ Մերի Գանդալյանը հանձնել է ՀՀ ԿԳՄՍՆ համապատասխան կարգի հավաստագրեր և նշել, որ երիտասարդներն աչքի են ընկել ֆիզիկական պատրաստականությամբ, արագությամբ և կարգապահությամբ։

Ռազմամարզական խաղերի մարզային փուլում հաղթած թիմը կմասնակցի մրցումների եզրափակիչ՝ հանրապետական փուլին։