Սյունիքի մարզպետի աշխատակազմ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶՊԵՏԻ ԱՇԽԱՏԱԿԱԶՄ 

Սյունիքի մարզպետարանը (ներկայումս՝ Սյունիքի մարզպետի աշխատակազմ) ձևավորվել է 1996 թվականին։ 

Հայաստանի Հանրապետության Սյունիքի մարզպետը  Հայաստանի Հանրապետության Սյունիքի մարզպետի աշխատակազմի , մարզային ենթակայության կազմակերպությունների, ինչպես նաև պետական կառավարման համակարգի մարմինների տարածքային ստորաբաժանումների գործունեությունը համակարգելու միջոցով մարզում իրագործում է Կառավարության տարածքային քաղաքականությունը։

Մարզպետի աշխատակազմի ստեղծման, վերակազմակերպման, կառուցվածքային փոփոխության և նրա գործունեության դադարեցման հետ կապված հարաբերությունները կարգավորվում են «Կառավարչական իրավահարաբերությունների կարգավորման մասին» Հայաստանի Հանրապետության օրենքով:

Մարզպետի աշխատակազմն իր գործունեությունն իրականացնում է Հայաստանի Հանրապետության Սահմանադրության, «Տարածքային կառավարման մասին» Հայաստանի Հանրապետության օրենքի և այլ օրենքների, իրավական այլ ակտերի և «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶՊԵՏԻ ԱՇԽԱՏԱԿԱԶՄԻ»  կանոնադրության հիման վրա: 

ՀՀ Սյունիքի մարզպետն է Ռոբերտ Ղուկասյանը, նշանակվել է 2022 թվականի մարտի 3-ի ՀՀ կառավարության 244-Ա  որոշմամբ: 

ՀՀ Սյունիքի նախկին մարզպետներ.

·         Աբրահամյան Սուրեն Ջահանգիրի 1996-1998 թթ.

·         Նավասարդյան Ռոմա Շմավոնի 1998-2000 թթ.

·         Բարսեղյան Էդիկ Սամսոնի 2000-2004 թթ.

·         Խաչատրյան Սուրիկ Սերգեյի 2004-2013 թթ., 2014-2016 թթ.

·         Հակոբյան Վահե Մաքսիմի 2013-2014թթ.

·         Հակոբյան Վահե Ալբերտի 2016-2018թթ․

·         Համբարձումյան Կարեն Հովհաննեսի 2018թ. հունիս - 2018թ. հոկտեմբեր:

·         Պողոսյան Հունան Հրաչի, 2018թ․ հոկտեմբեր - 2020թ․դեկտեմբեր։ 

·         Պողոսյան Մելիքսեթ Արամի, 2020 դեկտեմբեր – 2022թ․ մարտ։ 

Մարզպետը ունի տեղակալներ, խորհրդականներ և օգնականներ:
Մարզպետի աշխատակազմի կանոնադրությունը և կառուցվածքը հաստատում է ՀՀ կառավարությունը:

Մարզպետի աշխատակազմի հիմնական մասնագիտական կառուցվածքային ստորաբաժանումներն են՝

1) քաղաքաշինության, հողաշինության և ենթակառուցվածքների կառավարման վարչություն. 2) առողջապահության և սոցիալական ոլորտի հարցերի վարչություն.

3) տարածքային կառավարման և տեղական ինքնակառավարման հարցերի վարչություն․

4) կրթության, մշակույթի և սպորտի վարչություն․

 5) զարգացման ծրագրերի մշակման և իրականացման բաժին․

6) գյուղատնտեսության և շրջակա միջավայրի պահպանության վարչություն․

 7) զորահավաքային նախապատրաստության բաժին:

Մարզպետի աշխատակազմի աջակցող մասնագիտական կառուցվածքային ստորաբաժանումներն են՝

1) ֆինանսական վարչություն.

2) անձնակազմի կառավարման, փաստաթղթաշրջանառության և հասարակայնության հետ կապերի վարչություն․

 3) իրավաբանական բաժին։

Մարզպետի աշխատակազմի համակարգում ընդգրկված են պետական ոչ առևտրային կազմակերպություններ և մարզային ենթակայության փակ բաժնետիրական ընկերություններ։

Մարզպետի աշխատակազմի կառուցվածքային ստորաբաժանումների համար սահմանվել է 113 հաստիքային միավոր, որից քաղաքացիական ծառայության պաշտոն է 79-ը ։ 

ՀՀ Սյունիքի մարզպետի աշխատակազմի ներքին գործավարության կարգ 

Հասցե` ՀՀ Սյունիքի մարզ, 3301, ք. Կապան, Գ. Նժդեհի 1.
Հեռ. (+374 60) 517822 , (+374 285) 4 4291
Ֆաքս. (+374 60) 517830
Կայք` http://syunik.mtad.am  
Էլ.փոստ` syunik@mta.gov.am