Սյունիքի մարզպետի աշխատակազմ

Մրցաշարն ընթանում էր երկու տարիքային խմբերով․ 1-ին տարիքային խմբում ընդգրկվել էին 5-9-րդ, իսկ 2-րդ խմբում՝ 10-12-րդ դասարանի աշակերտները, մարզային փուլին ընդհանուր մասնակցում էր 28 հավաքական թիմ։

1-ին տարիքային խմբում հաղթող ճանաչվեց Քաջարանի թիվ 2 միջնակարգ դպրոցի թիմը, 2-րդ տեղը զբաղեցրեց Վերիշենի միջնակարգ դպրոցի, 3-րդ տեղը՝ Գորայքի միջնակարգ դպրոցի թիմը։

2-րդ տարիքային խմբում հաղթողները նույն դպրոցների ավագ թիմերն էին։

Մրցաշարի մարզային փուլում մրցանակային տեղեր զբաղեցրած թիմերը պարգևատրվեցին ՀՀ Կրթության, գիտության, սպորտի և մշակույթի նախարարության համապատասխան կարգի հավաստագրերով և գավաթներով։

Եզրափակիչ՝ հանրապետական փուլում Սյունիքի մարզը կներկայացնեն յուրաքանչյուր տարիքային խմբում 1-ին տեղ զբաղեցրած թիմերը։