Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Պարզաբանում "Լրագիր" էլեկտրոնային կայքում 29/08/2011թ "Կապանում բացվեց ռուսական դպրոց" հրապարակման վերաբերյալ 29.08.2011

Վերջերս հանրապետական առանձին լրատվամիջոցներով վերստին սկսվեց չարչրկվել Կապանում "ռուսական դպրոց", "ռուսական գիմնազիա" բացելու մասին իրականության հետ աղերսներ չունեցող լուրերը: Իրականում Կապան քաղաքի թիվ 13 հիմնական դպրոցում առկա նյութատեխնիկական և կադրային բազայի հիման վրա նախատեսվում էր ռուսերեն լեզվով խորացված դասընթացների կազմակերպում, չնայած այն բանին, որ ՌԴ դեսպանի հետ քննարկումների ժամանակ խոսվել էր ռուսերեն լեզվով դասավանդմամբ գիմազիա հիմնելու հնարավորությունների և նկատառումների մասին:

Սյունիքում կաթի իրացման խնդիր չկա 26.08.2011

Սյունիքում պարբերաբար իրականցվող հաշվառումները ցույց են տալիս, որ այս տարի մարզում աճել է անասնագլխաքանակը, դրան զուգահեռ նաև' կաթի արտադրությունը: Մարզպետարանի աշխատակազմի գյուղատնտեսության և բնապահպանության վարչության պետ Սամվել Թանգյանը տեղեկացրեց, որ այս տարի նախատեսված է մարզում կաթի արտադրությունը հասցնել 57 հազ. տ-ի և կաթի մթերման խնդիր մարզում չկա:

Աշնանացանը կկատարվի ըստ մշակված պլանի 25.08.2011

Աշնանացանը ժամանակին ու որակով կատարելու համար գյուղացիական և ֆերմերային տնտեսություններին այս տարի ևս կտարամադրվի հացահատիկի սուպեր էլիտար սերմացու: Սյունիքի մարզպետարանի աշխատակազմի գյուղատնտեսության և բնապահպանության վարչության տեղեկատվության համաձայն` նախատեսված է Ռուսաստանի Դաշնությունից Հայաստան ներկրվելիք հացահատիկի սերմացուից 20-25 տոննան տրամադրել մարզում ցանքս կատարելու համար:

Սյունիքում ցորենի բերքը գոհացուցիչ է 24.08.2011

Սյունիքում իրականացված 10 հազ. 127 հա ցորենի ցանքսից արդեն հնձվել է 7 հազ. հա-ը: Գորիսի ու Կապանի տարածաշրջաններում հացահատիկի բերքահավաքն արդեն ավարտվել է, իսկ Սիսիանի բարձրադիր գոտիներում այն դեռևս շարունակվում է:

ՏԻՄ ընտրություններ Արևիս համայնքում 21.08.2011

Օգոստոսի 21-ին Սիսիանի տարածաշրջանի Արևիս համայնքում անցկացվեցին տեղական ինքնակառավարման մարմինների հերթական ընտրություններ: Նախնական տվյալներով' Արևիսում վերընտրվել է գործող գյուղապետը:

Քաղաքաշինական ստուգումներ` Սյունիքում 19.08.2011

ՀՀ քաղաքաշինության նախարարության քաղաքաշինական պետական տեսչության կողմից Սյունիքում անցկացվել են ամենամյա պլանային ստուգումներ: Հիմնականում ստուգվում են կառուցապատման նպատակով հողհատկացումների համապատասխանությունը քաղաքաշինության ծրագրային փաստաթղթերին, ճարտարապետահատակագծային առաջադրանքների առկայությունը, դրանց համապատասխանությունը կառավարության որոշման պահանջներին, ստուգվում են շենքերի և շինությունների նախագծման, մշակման փորձաքննության համաձայնեցման, հաստատման և փոփոխման կարգը, շինարարություն իրականացնելու մասին հասարակական իրազեկվածությունը, շինարարության քանդման թույլտվությունների, ինքնակամ շինությունների առկայությունները...

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-09-23 16:48:03