Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Սյունիքում կկառուցվեն 9 փոքր ՀԷԿ-եր 06.02.2011

Եվրոպայի հայկական ընկերությունների ֆորումը` "ABB Սլովակիա" ընկերության եւ "Եվրո էներգո հոլդինգ"-ի հետ համագործակցությամբ, Սյունիքում եւ Արցախում կիրականացնի էներգետիկ ոլորտի զարգացմանն ուղղված ծրագրեր: Ինչպես լրագրողների հետ հանդիպման ժամանակ այսօր նշեց ֆորումի նախագահ Աշոտ Գրիգորյանը, աշխատանքային խումբը Սյունիքում մինչեւ 15 մգվտ հզորությամբ 9 փոքր ՀԷԿ-եր է կառուցելու, որի վերաբերյալ պայմանագրեր է ստորագրվել ՀՀ Սյունիքի մարզպետի հետ:

Զանգեզուրյան ձմեռ 05.02.2011

Ձյունը հաճելի անակնկալ մատուցեց սյունեցիներին: Փետրվարի 5-ին մեծ ու փոքր գորիսեցիներ մասնակցեցին > միջոցառմանը, որը նրանց ամենասիրված տոներից մեկն է: Այն կրկին համախմբել էր բոլորին: Նախաձեռնությունը Գորիսի քաղաքապետարանինն էր: Միջոցառման կազմակերպիչները որոշել էին համատեղել հաճելին օգտակարի հետ: Միջոցառմանը մասնակցում էր նաեւ ՀՀ Սյունիքի մարզպետ Սուրիկ Խաչատրյանը:

Իրականացվել են շուրջ 20.5 մլրդ. դրամի ներդրումային, հումանիտար եւ վարկային ծրագրեր 04.02.2011

Մարզի սոցիալ-տնտեսական վիճակի բարելավման, ինչպես նաեւ առաջնահերթ լուծում պահանջող հիմնախնդիրների լուծման նպատակով տարվա ընթացքում տեղական եւ միջազգային կառույցների, հիմնադրամների եւ բարեգործական կազմակերպությունների միջոցով, ընդգրկելով մարզի գրեթե բոլոր համայնքները, իրականացվել են շուրջ 20.5 մլրդ. դրամի ներդրումային, հումանիտար եւ վարկային ծրագրեր: Մարզպետարանն իր կարեւորագույն խնդիրներից մեկն է համարել փոքր եւ միջին ձեռնարկատիրության զարգացման աջակցումը եւ դրա համար անհրաժեշտ պայմանների ստեղծումը:

Ընդունելությանը մասնակցեց 41 մարդ 31.01.2011

2011թ.հունվարի 31-ին ՀՀ Սյունիքի մարզպետի մոտ կայացավ քաղաքացիների ընդունելություն։ Ընդունելության համար նախապես դիմել էր 63 մարդ, մասնակցեց 41-ը: Դրամական օգնություն ստանալու խնդրանքով մարզպետին դիմել էր 37, աշխատանքի տեղավորման` 2, բնակարանի նորոգման հարցով` 1 քաղաքացի: Դրամական օգնության համար դիմած 41 քաղաքացիների դիմումներին տրվեց դրական պատասխան: Աշխատակազմի համապատասխան ստորաբաժանմանը հանձնարարվեց ուսումնասիրել ընդունելությանը մասնակցած զոհվածի այրի Լորիկ Խաչատրյանի` բնակարանի նորոգման վերաբերյալ դիմումը եւ ներկայացնել առաջարկություն:

Սյունիքում աճել է համաշինարարական աշխատանքների ծավալը 29.01.2011

Անցած տարի Սյունիքում իրականացված համաշինարարական աշխատանքների ծավալն աճել է 6 տոկոսով: Մարզպետարանի աշխատակազմի քաղաքաշինության ու տրանսպորտի վարչության` տվյալներով` 2010 թվականի ընթացքում մարզում իրականացվել են շուրջ 9,95 մլրդ դրամի համաշինարարական աշխատանքներ, որից 2,64 մլրդ դրամի կապիտալ շինարարության եւ 7,3 մլրդ դրամի հիմնանորոգման ու նորոգման աշխատանքներ:

Տոնական միջոցառումներ` Հայոց բանակի օրվա առթիվ 28.01.2011

Հայոց բանակի կազմավորման 19-ամյակի առթիվ տոնական միջոցառուներ անցկացվեցին Սյունիքի մարզում տեղակայված զորամասերում: Կապանի զորամասի սպաներին ու զինվորներին շնորհավորելու էին գնացել ՀՀ Սյունիքի փոխմարզպետ Վաչե Գրիգորյանը, «Կապանի Երկրապահ կամավորների միության», «Ազատամարտ» եւ «Դավիթբեկյան ուխտեր» երիտասարդական հկ-ների ներկայացուցիչներ:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-10-21 16:31:31