Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նոր աշխատատեղեր Սյունիքում 15.02.2011
Սյունիքի մարզի 2010-2013 թվականների սոցիալ-տնտեսական զարգացման ծրագրով` ներդրումային ծրագրերի առաջարկ ներկայացրած կազմակերպություններից վերջին մեկ տարում մարզում ստեղծվել են 11 նոր ձեռնարկություն` հանքարդյունաբերության, հիդրոէներգետիկ, տեղական հումքի վերամշակման, սննդի եւ թեթեւ արդյունաբերության բնագավառներում:
Մրցույթի հայտարարություն 08.02.2011
Հայաստանի հետ Գերմանական Ֆինանսական Համագործակցության շրջանակներում Գերմանական KFW բանկի եւ ՀՀ բնապահպանության նախարարության հետ կնքված համաձայնագրի շրջանակներում, սկսվել է Շիկահողի կենսոլորտային արգելոցի եւ շրջակա համայնքների սոցիալ-տնտեսական զարգացման ծրագիրը` 4.0 մլն եվրո ընդհանուր գումարով: Փետրվարի 9-ին մեկնարկեց > բաղադրիչը, որի շրջանակներում Շիկահողի արգելոցի շրջակա 5 (Ճակատեն, Շիկահող, Սրաշեն, Ծավ, Ներքին Հանդ) համայնքների դպրոցների աշակերտների շրջանում անց է կացվում նկարչության մրցույթ > թեմայով:
ՀՀ Սյունիքի մարզպետ Սուրիկ Խաչատրյանին իրենց տարեկան հաշվետվությունները ներկայացրին մարզպետարանի աշխատակազմի վարչությունների, բաժինների եւ չորս սոցիալական ծառայության տարածքային գործակալությունների պետերը: Մարզպետի բարձր գնահատականի արժանացան մասնավորապես ֆինանսական եւ սոցիալ-տնտեսական զարգացման, առողջապահության եւ սոցիալական ապահովության, տեղական ինքնակառավարման եւ հանրապետական գործադիր մարմինների տարածքային ծառայությունների գործունեության համակարգման, կրթության, մշակույթի եւ սպորտի, քարտուղարության վարչությունների կատարած աշխատանքները:
Սյունիքում կկառուցվեն 9 փոքր ՀԷԿ-եր 06.02.2011
Եվրոպայի հայկական ընկերությունների ֆորումը` "ABB Սլովակիա" ընկերության եւ "Եվրո էներգո հոլդինգ"-ի հետ համագործակցությամբ, Սյունիքում եւ Արցախում կիրականացնի էներգետիկ ոլորտի զարգացմանն ուղղված ծրագրեր: Ինչպես լրագրողների հետ հանդիպման ժամանակ այսօր նշեց ֆորումի նախագահ Աշոտ Գրիգորյանը, աշխատանքային խումբը Սյունիքում մինչեւ 15 մգվտ հզորությամբ 9 փոքր ՀԷԿ-եր է կառուցելու, որի վերաբերյալ պայմանագրեր է ստորագրվել ՀՀ Սյունիքի մարզպետի հետ:
Զանգեզուրյան ձմեռ 05.02.2011
Ձյունը հաճելի անակնկալ մատուցեց սյունեցիներին: Փետրվարի 5-ին մեծ ու փոքր գորիսեցիներ մասնակցեցին > միջոցառմանը, որը նրանց ամենասիրված տոներից մեկն է: Այն կրկին համախմբել էր բոլորին: Նախաձեռնությունը Գորիսի քաղաքապետարանինն էր: Միջոցառման կազմակերպիչները որոշել էին համատեղել հաճելին օգտակարի հետ: Միջոցառմանը մասնակցում էր նաեւ ՀՀ Սյունիքի մարզպետ Սուրիկ Խաչատրյանը:
Իրականացվել են շուրջ 20.5 մլրդ. դրամի ներդրումային, հումանիտար եւ վարկային ծրագրեր 04.02.2011
Մարզի սոցիալ-տնտեսական վիճակի բարելավման, ինչպես նաեւ առաջնահերթ լուծում պահանջող հիմնախնդիրների լուծման նպատակով տարվա ընթացքում տեղական եւ միջազգային կառույցների, հիմնադրամների եւ բարեգործական կազմակերպությունների միջոցով, ընդգրկելով մարզի գրեթե բոլոր համայնքները, իրականացվել են շուրջ 20.5 մլրդ. դրամի ներդրումային, հումանիտար եւ վարկային ծրագրեր: Մարզպետարանն իր կարեւորագույն խնդիրներից մեկն է համարել փոքր եւ միջին ձեռնարկատիրության զարգացման աջակցումը եւ դրա համար անհրաժեշտ պայմանների ստեղծումը:
