Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐՏԻՈՒԹՅԱՆ ՇՆՈՐՀԱՎՈՐԱՆՔ ՄԱՐԶԻ՝ ԱՅՍՕՐՎԱ ԻՆԸ ՆՈՐԱԾԻՆՆԵՐԻՆ 08.03.2024
Մարտի 8-ին Սյունիքի մարզպետի տեղակալ Նարե Ղազարյանն այցելել է Կապանի բժշկական կենտրոնի ծննդաբերական բաժանմունք և մարզպետ Ռոբերտ Ղուկասյանի կողմից շնորհավորել նորածիններին ու իրենց մայրիկներին օրվա տոնի կապակցությամբ՝ մաղթելով առողջություն, խաղաղություն և արևշատություն։
Սյունիքի մարզպետ Ռոբերտ Ղուկասյանը մարտի 6-ին հանդիպել է ՅՈՒՆԻՍԵՖ-ի տարածաշրջանային տեխնիկական խորհրդական Անմարի Սվային և ՅՈՒՆԻՍԵՖ-ի Հայաստանի գրասենյակի ղեկավարի տեղակալ Սիլվիա Մեստրոնիին։
Սյունիքի մարզպետ Ռոբերտ Ղուկասյանն այսօր ընդունել ու շնորհակալագրեր է հանձնել Գորիսի պետական համալսարանի չորս ուսանողի․ նրանք ՀՀ բարձրագույն մասնագիտական կրթական ծրագրեր իրականացնող ուսումնական հաստատությունների լավագույն առաջադիմությամբ ուսանողների անվանական կրթաթոշակների տրամադրման մրցույթում (անցկացնում է ՀՀ ԿԳՄՍՆ-ն) «Լավագույն ուսանող» կոչմանն են արժանացել՝ բարձր պահելով Գորիսի պետական համալսարանի ու սյունեցի ուսանողների պատիվը։
Սյունիքի մարզպետ Ռոբերտ Ղուկասյանը մարտի 6-ին այցելել է Կապանում գործող ադամանդի նիստավորման նորաբաց «RDC diamond» արտադրամաս։ Տնօրեն Հովիկ Անդրանիկյանի ուղեկցությամբ նա ծանոթացել է արտադրամասի աշխատանքին, այստեղ ներդրված հաստոցներին, աշխատակիցներին ու ընդլայնման հնարավորություններին։
Սյունիքի մարզպետ Ռոբերտ Ղուկասյանն այսօր ընդունել է ՀՀ-ում Ճապոնիայի նորանշանակ արտակարգ և լիազոր դեսպան Աոկի Յուտակային։ Ռ․Ղուկասյանը շնորհավորեց դեսպանին Հայաստանում իր դիվանագիտական առաքելությունը ստանձնելու կապակցությամբ, ողջունեց նրա առաջին այցը Սյունիքի մարզ՝ կարևորելով հայ-ճապոնական բարեկամական հարաբերությունները։
ԿԱՊԱՆՑԻ ԵՌԱՑԱՏԿՈՐԴԸ ՊԱՏՐԱՍՏՎՈՒՄ Է ՕԼԻՄՊԻԱԿԱՆ ԽԱՂԵՐԻՆ 05.03.2024
Սյունիքի մարզպետ Ռոբերտ Ղուկասյանը երեկ ընդունել է կապանցի եռացատկորդ, միջազգային կարգի սպորտի վարպետ, Երիտասարդների Եվրոպայի առաջնության չեմպիոն, Բալկանյան խաղերի յոթակի չեմպիոն, Ռիոյի և Տոկիոյի Օլիմպիական խաղերի մասնակից Լևոն Աղասյանին։
