Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՀՀ անկախության 20-ամյակին նվիրված միջոցառումներ` Սյունիքի մարզում 21.09.2011

ՀՀ անկախության 20-ամյակին նվիրված տոնական միջոցառումները Սյունիքի մարզկենտրոնում մեկնարկեցին քաղաքում տեղակայված N զորամասում կազմակերպված զինվորական շքերթով: Հայաստանի անկախության 20-ամյակի տոնական միջոցառումները Կապանում շարունակվեցին քաղաքի մշակույթի կենտրոնում, որտեղ անցկացվեց հանդիսավոր նիստ և պարգևատրման արարողություն: Նիստին մասնակցում էր նաև ՀՀ Սահմանադրական դատարանի նախագահ, ՀՀ նախագահին առընթեր Ազգային անվտանգության խորհրդի անդամ Գագիկ Հարությունյանը: Վերջինս Սյունիքի մարզպետ Սուրիկ Խաչատրյանի հետ միասին սյունեցիներին հանձնեց պետական պարգևները:

ՀՀ Սյունիքի մարզպետ Սուրիկ Խաչատրյանի շնորհավորական ուղերձը ՀՀ անկախության 20-րդ տարեդարձի առթիվ

ՀՀ Սյունիքի մարզպետ Սուրիկ Խաչատրյանի շնորհավորական ուղերձը ՀՀ անկախության 20-րդ տարեդարձի առթիվ 21.09.2011

Շնորհավորում եմ ձեզ մեր ամենապայծառ Ազգային տոնի` Հայաստանի Հանրապետության անկախության 20-րդ տարեդարձի կապակցությամբ։ Երկու տասնամյակ առաջ այս օրը նոր էջ բացեց մեր ժողովրդի պատմության մեջ, սկիզբ դնելով նոր` համամարդկային արժեհամակարգով առաջնորդվող Հայաստանի տարեգրությանը: Հայ ժողովուրդը վերականգնեց սեփական ճակատագիրը տնօրինելու, ազատ, ինքնիշխան պետություն ունենալու և սեփական կամքով իր պատմությունը կերտելու իրավունքը:

Խորհրդակցություն` ՀՀ անկախության 20-ամյակին նվիրված մարզի հոբելյանական տոնակատարությունների վերաբերյալ 14.09.2011

Սեպտեմբերի 14-ին Սյունիքի մարզպետ Սուրիկ Խաչատրյանի մոտ տեղի ունեցավ խորհրդակցություն, որին մասնակցում էին մարզպետարանի աշխատակազմի ստորաբաժանումների և մարզի քաղաքային համայնքների ղեկավարներ: Խորհրդակցության ընթացքում քննարկվեցին Հայաստանի Հանրապետության անկախության 20-ամյակին նվիրված մարզի տոնակատարությունների նախապատրաստական աշխատանքների ծրագրերը ու վերջինիս կատարման հետ առնչվող հարցեր:

Հրամանատարաշտաբային ուսումնավարժություն` Սյունիքում

Հրամանատարաշտաբային ուսումնավարժություն` Սյունիքում 13.09.2011

Սյունիքի մարզի Կապան քաղաքում այսօր անցկացվեց հրամանատարաշտաբային ուսումնավարժություն' «Անտառային հրդեհների հակազդում» թեմայով: Միջոցառումը երեկ Կապանում մեկնարկած հրդեհների կառավարման թեմայով երկօրյա ուսուցողական ծրագրի մի մասն էր, որը կազմակերպել են ՀՀ արտակարգ իրավիճակների նախարարությունը և ԵԱՀԿ երեւանյան գրասենյակը: Ուսուցողական դասընթացին, որն անցկացվել է Կապանի քաղաքապետարանի նիստերի դահլիճում, մասնակցել է մարզի հրշեջ ծառայության մոտ 50 ներկայացուցիչ:

Վարչապետն այցելել է Սյունիքի մարզի գյուղմթերք վերամշակող ընկերություն և հանքարդյունաբերական ձեռնարկություններ

Վարչապետն այցելել է Սյունիքի մարզի գյուղմթերք վերամշակող ընկերություն և հանքարդյունաբերական ձեռնարկություններ 10.09.2011

Վարչապետ Տիգրան Սարգսյանը Սյունիքի մարզ կատարած այցի երկրորդ օրն այցելել է մարզի գյուղմթերք վերամշակող ընկերություն և հանքարդյունաբերական ձեռնարկություններ` ծանոթացել արտադրական գործընթացներին և առաջիկա ծրագրերին: Վարչապետը նախ եղել է Մեղրու պահածոների գործարանում: Վերջինիս ղեկավարությունը Տիգրան Սարգսյանին է ներկայացրել ընկերության գյուղմթերքի վերամշակման գործընթացը և արդյունքները: Սա Մեղրու տարածաշրջանում գործող միակ գյուղմթերք վերամշակող գործարանն է, որը հիմնադրվել է 1930 թ:

ՀՀ Վարչապետ Տիգրան Սարգսյանը եռօրյա այցով գտնվում է Սյունիքի մարզում

ՀՀ Վարչապետ Տիգրան Սարգսյանը եռօրյա այցով գտնվում է Սյունիքի մարզում 09.09.2011

ՀՀ վարչապետ Տիգրան Սարգսյանն այսօր ժամանել է Սյունիքի մարզ: Վարչապետին ուղեկցում են կառավարության աշխատակազմի ղեկավար Դավիթ Սարգսյանը, Սյունիքի մարզպետ Սուրիկ Խաչատրյանը և ՀՀԿ խորհրդի և գործադիր մարմնի անդամներ: Կառավարության ղեկավարը նախ եղել է Սիսիանի տարածաշրջանի Սառնակունք համայնքի գյուղատնտեսական և անասնաբուժական ապասարկման կենտրոնում:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-10-23 17:32:44