Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հիմնանորոգվել են Կապանի թիվ 13 մանկապարտեզի խմբասենյակը և խոհանոցը 18.04.2014
ՀՀ Սյունիքի մարզպետ Վ. Հակոբյանը մասնակցել է Կապանի թիվ 13 նախակրթարանի նոր խմբասենյակի և խոհանոցի բացման արարողությանը: Ծրագիրը Սյունիքի մարզպետի նախաձեռնությամբ իրականցվել է պետական բյուջեից հատկացված միջոցներով: Կահավորումը համաֆինասավորվել է > փբը-ի և > կազմակերպության կողմից: Վահե Հակոբյանը իր խոսքում նշել է, որ նախակրթարանների համար ունեն նաև այլ ծրագրեր, որոնց շնորհիվ ձգտելու են բոլոր թաղամասերում ունենալ նորոգված մանկապարտեզներ: Խմբասենյակի հիմնանորոգման շնորհիվ թիվ 13 մանկապարտեզում 30-ով ավելացել է սաների թիվը և բացվել են նոր աշխատատեղեր: Եվս 25 երեխա հերթագրված է` մանկապարտեզ հաճախելու համար: Սակայն մյուս խմբասենյակների նորոգումից հետո միայն հնարավոր կլինի թաղամասի բոլոր փոքրիկներին ընդգրկել մանկապարտեզում: Ներկայումս թիվ 13 նախակրթարան հաճախում է 150 երեխա:
ՀՀ Սյունիքի մարզպետ Վ. Հակոբյանը հանդիպել է ՀՊՃՀ ռեկտորի պաշտոնակատարին 18.04.2014
ՀՀ Սյունիքի մարզպետ Վահե Հակոբյանը ապրիլի 17-ին ընդունել է ՀՊՃՀ ռեկտորի պաշտոնակատար Հովհաննես Թոքմաջյանին և պրոռեկտոր Սուրեն Աղբալյանին: Հանդիպմանը մասնակցում էր նաև ՀՊՃՀ Կապանի մասնաճյուղի տնօրեն Լեռնիկ Պետրոսյանը: Հանդիպման ընթացքում քննարկվել են մասնավորապես ԲՈՒՀ-ի Կապանի մասնաճյուղի զարգացման հեռանկարներին առնչվող հարցեր: Զրուցակիցներն անդրադարձան ԲՈՒՀ-ի ավագ դպրոց հիմնելու խնդրին: Վահե Հակոբյանը ողջունելի համարեց բոլոր արդյունավետ գործակցությունները, որոնք ուղղված են կրթության որակի բարձրացմանը և հաջող ծրագրերի իրականացմանը: Մարզպետը նաև պատրաստակամություն է հայտնել աջակցել բոլոր արդյունավետ նախաձեռնություններին:
Մարզպետը ներկա է գտնվել բնակարանամուտի 18.04.2014
Մարզպետ Վահե Հակոբյանը մասնակցել Կապանի հատուկ դպրոցի նախկին սան Նարինե Հարությունյանի բնակարանամուտին: Հաստատության տնօրեն Ռ.Դավթյանը բնակարան գնելու խնդրանքով բազմիցս դիմել էր մի շարք բարերարների: Սյունիքի մարզպետ Վահե Հակոբյանի, ինչպես նաև > փբը-ի գլխավոր տնօրեն Հրաչ Ջաբրայանի և Կապանի նախկին քաղաքապետ Արտուր Աթայանի աջակցությամբ հատուկ դպրոցի նախկին սանի համար Կապան քաղաքի Շահումյան փողոցում ձեռք բերվեց մեկ սենյականոց բնակարան: Բնակարանամուտի արարողությանը ներկա էին նաև հովանավորները:
ՀՀ Սյունիքի մարզպետի տեղակալ Վաչե Գրիգորյանի մոտ ապրիլի 15-ին տեղի ունեցավ խորհրդակցություն, որին մասնակցում էին մարզի տարհանման հանձնաժողովի անդամները, մարզպետարանի աշխատակազմի համապատասխան ստորաբաժանումների, ինչպես նաև մարզի քաղաքային համայնքների ղեկավարները: Խորհրդակցությանը ներկա էր նաև ՀՀ ԱԻ նախարարության փրկարար ծառայության տնօրենի տեղակալ, գեներալ-մայոր Վ. Գաբրիելյանը: Քննարկվեցին արտակարգ իրավիճակներում բնակչության տարհանման հանձնաժողովի, ինչպես նաև քաղաքացիական պաշտպանության համակարգի աշխատանքների իրականացման և առկա խնդիրներին առնչվող հարցեր: Տրվեցին պարզաբանումներ և հանձնարարականներ արտակարգ իրավիճակներում հաստատված ծրագրերով համապատասխան գործառույթների իրականցման և ծառայությունների մշտական պատրաստվածության վերաբերյալ:
Մարզպետ Վ. Հակոբյանը մասնակցել է ՀՀ ոստիկանության օրվան նվիրված հանդիսությանը 15.04.2014
ՀՀ Սյունիքի մարզպետ Վահե Հակոբյանն այսօր մասնակցել է Կապանի Ալ.Շիրվանզադեի անվան պետական դրամատիկական թատրոնում կայացած ՀՀ ոստիկանության օրվան նվիրված հանդիսությանը: Մինչ միջոցառման մեկնարկը` միջոցառման մասնակիցները թարմ ծաղիկներ ու ծաղկեպսակներ դրեցին ՀՀ ոստիկանության Սյունիքի մարզային վարչության Կապանի ոստիկանության շենքի դիմաց` Արցախյան գոյամարտում զոհված ոստիկանների հիշատակը հավերժացնող հուշաքարին: ՀՀ ոստիկանության օրվա կապակցությամբ շնորհավորական խոսք ուղղեցին ՀՀ Սյունիքի մարզպետ Վահե Հակոբյանը, Կապանի քաղաքապետ Աշոտ Հայրապետյանը, ՀՀ ոստիկանության Սյունիքի մարզային վարչության պետ Վախթանգ Ավագյանը: Շնորհավորելով մարզի ոստիկաններին` ՀՀ Սյունիքի մարզպետ Վահե Հակոբյանը իր խոսքում մասնավորապես նշեց. <<Նորանկախ Հայաստանի առաջին իրավապահ կառույցը դարձավ մերօրյա ոստիկանությունը, որը այդ օրերին ոչ միայն զբաղված էր երկրում քաղաքացու անվտանգության ու իրավունքների պահպանմամբ, այլ նաև սահմանների...
Մարզպետը Սիսիանում ներկա գտնվեց Համո Սահյանի 100-ամյակին նվիրված միջոցառումներին 11.04.2014
ՀՀ Սյունիքի մարզպետ Վահե Հակոբյանն այսօր Սիսիանում մասնակցեց մեծանուն բանաստեղծ Համո Սահյանի 100-ամյակին նվիրված միջոցառումներին, որին ներկա էին նաև ՀՀ Ազգային ժողովի փոխնախագահ Հերմինե Նաղդալյանը, ՀՀ գրողների միության նախագահ Էդվարդ Միլիտոնյանը, երգահան, ՀՀ արվեստի վաստակավոր գործիչ, ՀՀ ժողովրդական արտիստ Տիգրան Մանսուրյանը: Վահե Հակոբյանը ծաղիկներ է դրել սիրված բանաստեղծի հուշարձանին, այնուհետև միջոցառումը շարունակվեց Սիսիանի մշակույթի կենտրոնում: Ողջունելով նախաձեռնությունը` մարզպետը իր խոսքում մասնավորապես նշեց, որ բավական դժվար է լինել այնպիսի միջավայրում, երբ քեզ շրջապատում են այնպիսի մարդիկ, ովքեր մնայուն գրականության կրողներ են: Վահե Հակոբյանը շնորհավորելով նախաձեռնության հեղինակներին՝ իր խոսքում մասնավորապես ընդգծեց, որ հպարտանալու առիթ ունի յուրաքանչյուր սյունեցի: Իր խոսքում մարզպետը մասնավորապես նշեց, որ պարզապես պետք է լինել այնքան անկեղծ ու շիտակ որքան օրվա հերոսը` Համո Սահյանը իր ստեղծագործություններում, ընդգծելով, որ Սահյանը մեր անկեղծության ուսուցիչն է:
