Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Սյունիքի մարզպետը ընդունել է ՀՀ ԱԻՆ ՓԾ տնօրենի տեղեկալին 18.04.2014
ՀՀ Սյունիքի մարզպետ Վահե Հակոբյանը ընդունել է ՀՀ ԱԻՆ ՓԾ տնօրենի տեղակալ, գեներալ-մայոր Վրեժ Գաբրիելյանին: Հանդիպանը մասնակցում էին նաև Սյունիքի մարզպետի տեղակալ Վաչե Գրիգորյանը և ՀՀ ԱԻՆ Սյունիքի մարզային փրկարարական վարչության պետ, գնդապետ Արթուր Հարությունյանը: Քննարկվել են մարզի ՔՊ ղեկավար կազմի՝ ՔՊ համակարգը խաղաղից ռազմական դրության փոխադրման, ՔՊ միջոցառումների կազմակերպման վերաբերյալ որոշումների ընդունման, մարզի ՔՊ ուժերի կիրառման գործնական հմտությունների կատարելագործման,զինվորական հրամանատարության հետ փոխհամագործակցության խնդիրների իրականացման ունակությունների, «ՀՀ Սյունիքի մարզի քաղաքացիական պաշտպանության պլան»-ի իրատեսությունը ստուգելու նպատակով անցկացված ՀՀ Սյունիքի մարզի քաղաքացիական պաշտպանության ղեկավար կազմի հրահանգչա-մեթոդական պարապմունքների և դրանց անցկացման ընթացքում մատուցված նյութերի յուրացման մակարդակին առնվող հարցեր: Մարզպետին ներկայացվել են ...
Մարզպետ Վ. Հակոբյանը խորհրդակցություն է անցկացրել Կապանի քաղաքապետարանի անձնակազմի հետ 18.04.2014
ՀՀ Սյունիքի մարզպետ Վահե Հակոբյանն ապրիլի 17-ին այցելել է Կապանի քաղաքապետարան: Քաղաքապաետարանի նիստերի դահլիճում կայացած խորհրդակցության ժամանակ մարզպետին ներկայացվեց Կապանի քաղաքապետարանի մեկ տարվա կատարած աշխատանքը, ընթացիկ տարվա ծրագրերը եւ քաղաքում առկա հրատապ լուծում պահանջող խնդիրները: Իր խոսքում Կապանի քաղաքապետ Աշոտ Հայրապետյանը նշել է, որ մարզպետարան-քաղաքապետարան համագործակցությունը միշտ եղել է ամուր հիմքերի վրա և քաղաքին առնչվող խնդիրները քննարկվել են մարզպետի հետ, սակայն, հաշվի առնելով, որ համայնքը խոշոր է, խնդիրներն էլ բավականին շատ: Մարզպետը կարևորելով սոցիալական ու անհատական հարցերի տարանջատումը համաքաղաքային խնդիրներից՝ իր խոսքում մասնավորապես նշեց, որ նման ձևաչափով հանդիպումն առաջինն է և առաջարկեց անկաշկանդ մթնոլորտում բարձրացնել այն հարցերն ու առաջարկությունները, որոնք կարող են դառնալ աշխատանքային ծրագրի բաղադրիչներ: Խորհրդակցության...
Հիմնանորոգվել են Կապանի թիվ 13 մանկապարտեզի խմբասենյակը և խոհանոցը 18.04.2014
ՀՀ Սյունիքի մարզպետ Վ. Հակոբյանը մասնակցել է Կապանի թիվ 13 նախակրթարանի նոր խմբասենյակի և խոհանոցի բացման արարողությանը: Ծրագիրը Սյունիքի մարզպետի նախաձեռնությամբ իրականցվել է պետական բյուջեից հատկացված միջոցներով: Կահավորումը համաֆինասավորվել է > փբը-ի և > կազմակերպության կողմից: Վահե Հակոբյանը իր խոսքում նշել է, որ նախակրթարանների համար ունեն նաև այլ ծրագրեր, որոնց շնորհիվ ձգտելու են բոլոր թաղամասերում ունենալ նորոգված մանկապարտեզներ: Խմբասենյակի հիմնանորոգման շնորհիվ թիվ 13 մանկապարտեզում 30-ով ավելացել է սաների թիվը և բացվել են նոր աշխատատեղեր: Եվս 25 երեխա հերթագրված է` մանկապարտեզ հաճախելու համար: Սակայն մյուս խմբասենյակների նորոգումից հետո միայն հնարավոր կլինի թաղամասի բոլոր փոքրիկներին ընդգրկել մանկապարտեզում: Ներկայումս թիվ 13 նախակրթարան հաճախում է 150 երեխա:
ՀՀ Սյունիքի մարզպետ Վ. Հակոբյանը հանդիպել է ՀՊՃՀ ռեկտորի պաշտոնակատարին 18.04.2014
ՀՀ Սյունիքի մարզպետ Վահե Հակոբյանը ապրիլի 17-ին ընդունել է ՀՊՃՀ ռեկտորի պաշտոնակատար Հովհաննես Թոքմաջյանին և պրոռեկտոր Սուրեն Աղբալյանին: Հանդիպմանը մասնակցում էր նաև ՀՊՃՀ Կապանի մասնաճյուղի տնօրեն Լեռնիկ Պետրոսյանը: Հանդիպման ընթացքում քննարկվել են մասնավորապես ԲՈՒՀ-ի Կապանի մասնաճյուղի զարգացման հեռանկարներին առնչվող հարցեր: Զրուցակիցներն անդրադարձան ԲՈՒՀ-ի ավագ դպրոց հիմնելու խնդրին: Վահե Հակոբյանը ողջունելի համարեց բոլոր արդյունավետ գործակցությունները, որոնք ուղղված են կրթության որակի բարձրացմանը և հաջող ծրագրերի իրականացմանը: Մարզպետը նաև պատրաստակամություն է հայտնել աջակցել բոլոր արդյունավետ նախաձեռնություններին:
Մարզպետը ներկա է գտնվել բնակարանամուտի 18.04.2014
Մարզպետ Վահե Հակոբյանը մասնակցել Կապանի հատուկ դպրոցի նախկին սան Նարինե Հարությունյանի բնակարանամուտին: Հաստատության տնօրեն Ռ.Դավթյանը բնակարան գնելու խնդրանքով բազմիցս դիմել էր մի շարք բարերարների: Սյունիքի մարզպետ Վահե Հակոբյանի, ինչպես նաև > փբը-ի գլխավոր տնօրեն Հրաչ Ջաբրայանի և Կապանի նախկին քաղաքապետ Արտուր Աթայանի աջակցությամբ հատուկ դպրոցի նախկին սանի համար Կապան քաղաքի Շահումյան փողոցում ձեռք բերվեց մեկ սենյականոց բնակարան: Բնակարանամուտի արարողությանը ներկա էին նաև հովանավորները:
ՀՀ Սյունիքի մարզպետի տեղակալ Վաչե Գրիգորյանի մոտ ապրիլի 15-ին տեղի ունեցավ խորհրդակցություն, որին մասնակցում էին մարզի տարհանման հանձնաժողովի անդամները, մարզպետարանի աշխատակազմի համապատասխան ստորաբաժանումների, ինչպես նաև մարզի քաղաքային համայնքների ղեկավարները: Խորհրդակցությանը ներկա էր նաև ՀՀ ԱԻ նախարարության փրկարար ծառայության տնօրենի տեղակալ, գեներալ-մայոր Վ. Գաբրիելյանը: Քննարկվեցին արտակարգ իրավիճակներում բնակչության տարհանման հանձնաժողովի, ինչպես նաև քաղաքացիական պաշտպանության համակարգի աշխատանքների իրականացման և առկա խնդիրներին առնչվող հարցեր: Տրվեցին պարզաբանումներ և հանձնարարականներ արտակարգ իրավիճակներում հաստատված ծրագրերով համապատասխան գործառույթների իրականցման և ծառայությունների մշտական պատրաստվածության վերաբերյալ:
