Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեպտեմբերի 14-ին Սյունիքի մարզպետ Սուրիկ Խաչատրյանի մոտ տեղի ունեցավ խորհրդակցություն, որին մասնակցում էին մարզպետարանի աշխատակազմի ստորաբաժանումների և մարզի քաղաքային համայնքների ղեկավարներ: Խորհրդակցության ընթացքում քննարկվեցին Հայաստանի Հանրապետության անկախության 20-ամյակին նվիրված մարզի տոնակատարությունների նախապատրաստական աշխատանքների ծրագրերը ու վերջինիս կատարման հետ առնչվող հարցեր:
Հրամանատարաշտաբային ուսումնավարժություն` Սյունիքում 13.09.2011
Սյունիքի մարզի Կապան քաղաքում այսօր անցկացվեց հրամանատարաշտաբային ուսումնավարժություն' «Անտառային հրդեհների հակազդում» թեմայով: Միջոցառումը երեկ Կապանում մեկնարկած հրդեհների կառավարման թեմայով երկօրյա ուսուցողական ծրագրի մի մասն էր, որը կազմակերպել են ՀՀ արտակարգ իրավիճակների նախարարությունը և ԵԱՀԿ երեւանյան գրասենյակը: Ուսուցողական դասընթացին, որն անցկացվել է Կապանի քաղաքապետարանի նիստերի դահլիճում, մասնակցել է մարզի հրշեջ ծառայության մոտ 50 ներկայացուցիչ:
Վարչապետ Տիգրան Սարգսյանը Սյունիքի մարզ կատարած այցի երկրորդ օրն այցելել է մարզի գյուղմթերք վերամշակող ընկերություն և հանքարդյունաբերական ձեռնարկություններ` ծանոթացել արտադրական գործընթացներին և առաջիկա ծրագրերին: Վարչապետը նախ եղել է Մեղրու պահածոների գործարանում: Վերջինիս ղեկավարությունը Տիգրան Սարգսյանին է ներկայացրել ընկերության գյուղմթերքի վերամշակման գործընթացը և արդյունքները: Սա Մեղրու տարածաշրջանում գործող միակ գյուղմթերք վերամշակող գործարանն է, որը հիմնադրվել է 1930 թ:
ՀՀ Վարչապետ Տիգրան Սարգսյանը եռօրյա այցով գտնվում է Սյունիքի մարզում 09.09.2011
ՀՀ վարչապետ Տիգրան Սարգսյանն այսօր ժամանել է Սյունիքի մարզ: Վարչապետին ուղեկցում են կառավարության աշխատակազմի ղեկավար Դավիթ Սարգսյանը, Սյունիքի մարզպետ Սուրիկ Խաչատրյանը և ՀՀԿ խորհրդի և գործադիր մարմնի անդամներ: Կառավարության ղեկավարը նախ եղել է Սիսիանի տարածաշրջանի Սառնակունք համայնքի գյուղատնտեսական և անասնաբուժական ապասարկման կենտրոնում:
Անբարենպաստ եղանակից վնասվել են հացահատիկի ցանքատարածությունները 06.09.2011
Սյունիքում օգոստոսի կեսից սկսված անբարենպաստ եղանակի պատճառով ժամանակին չի իրականացվել մոտ 700 հա հացահատիկի բերքահավաք` հիմնականում Սիսիանի և Գորիսի տարածաշրջանների բարձրադիր գոտիների համայնքներում: Արդյունքում, գերխոնավության հետևանքով հասկի մեջ ցորենի հատիկը ծլել է, և ստացված բերքը կարող է օգտագործվել միայն որպես անասնակեր:
Հավաստագիր է ստացել Սյունիքի դպրոցների 78 տնօրեն և 30 ուսուցիչ 06.09.2011
Անցած ուստարում հանրակրթական դպրոցների ղեկավարման իրավունք ստանալու համար կազմակերպված դասընթացներին և հավաստագիր ստանալու նպատակով անցկացված գրավոր և բանավոր քննություններին Սյունիքի մարզից մասնակիցների արդյունքները գոհացուցիչ են: Մարզի դպրոցների 90 տնօրեններից հավաստագիր է ստացել 78-ը: Քննությունները հաջող հաղթահարել և հավաստագրի է արժանացել նաև 30 ուսուցիչ: Անհաջող արդյունքներ Է ցուցաբերել 6 տնօրեն: Եվս 6 տնօրեն չի մասնակցել մրցույթին: Նրանց մեջ կան նաև թոշակառուներ:
